SKÝRSLAN: Mikilvægur Þjóðhátíðarsigur hjá ÍBV
Hvað réði úrslitum?
Miðað við hvernig fyrri hálfleikurinn spilaðist þá hefði þetta getað dottið öðru hvoru megin en ÍBV voru mikið sterkari aðilinn í seinni hálfleik. Þeir sköpuðu sér mun hættulegri færi og hefðu getað verið löngu búnir að klára leikinn.
Bestu leikmenn
1. Oliver Heiðarsson
Gaman að sjá Oliver koma til baka eftir erfið meiðsli og sjá hversu gríðarlega mikilvægur hann er fyrir ÍBV liðið. Hann átti endalaust af frábærum sprettum og kom liðsfélögum sínum oft í góðar stöður, sem og sjálfum.
2. Alex Feyr Hilmarsson
Sannur fyrirliði og enn og aftur skorar hann sigurmark Eyjamanna.
Atvikið
Luke Rae fékk algjört dauðafæri sem hann misnotaði á upphafsmínútum leiksins sem hefði getað skipt sköpum.
Hvað þýða úrslitin?
Úrslitin þýða að ÍBV nálgast efstu sex liðin og eru með 21 stig í sjöunda sæti. KR eru næst neðstir með 17 stig.
Vondur dagur
Finnur Tómas Pálmason átti ekkert sérstakan dag. Fékk dæmt á sig víti í byrjun leiks, hefði huganlega átt að fá rautt spjald og átti erfitt uppdráttar í leiknum.
Dómarinn - 7
Twana átti fínan dag. Hafði góð tök á leiknum.