Alexander Tonini @

- Meðalaldur 25 ár

- Meðalaldur 24 ár

Textalýsing Skýrslan Viðtöl

Hvað réði úrslitum? Það munaði ekki miklu í dag og bæði lið léku vel. Hægt er að segja að úrslitin hafi ráðist á frábærum kafla Þróttar frá 24. til 36. mínútu, þegar liðið tók yfir leikinn og skoraði tvö mörk. Eftir það átti Víkingur erfitt uppdráttar, en leikmenn sýndu mikinn baráttuvilja og geta gengið stoltar af velli. Bestu leikmenn 1. Þórdís Elva Ágústsdóttir Hún skapaði langmestu hættuna fyrir Þrótt í kvöld. Þó hún hafi hvorki skorað né lagt beint upp mark, fór sóknarleikur liðsins að mestu leyti í gegnum hana. Vörn Víkinga átti í basli með að halda henni í skefjum, sama hvort hún var á hægri kantinum, vinstri eða á miðjunni. Gæðin hennar leyna sér ekki þegar hún er á vellinum. 2. Jelena Tinna Kujundzic Hún þurfti heldur betur að taka á honum stóra sínum í dag. Í upphafi etjaði hún kappi við Lindu Líf Boama og hafði rúmlega betur í því einvígi – sem er hægara sagt en gert. Eftir það jókst áskorunin enn frekar þegar makkerinn í vörninni, Sóley María, fékk reisupassan á 72. mínútu. Enn og aftur verð ég að hrósa yfirvegun hennar; hún er ótrúlega róleg með boltann og lætur pressuna aldrei trufla sig Atvikið Atvik kvöldsins var án efa rauða spjaldið sem Sóley María Steinarsdóttir fékk á 72. mínútu. Dómarinn taldi að hún hefði togað í hár Lindu Líf Boama. Þar sem dómarinn var vel staðsett finnst mér óskiljanlegt að þetta hafi orðið niðurstaðan

Hvað þýða úrslitin? Úrslitin þýða að Þróttur færist tímabundið upp í annað sætið í Bestu deildinni, en FH á leik til góða gegn FHL á morgun og líklegt er að Þróttur endi í þriðja sæti eftir umferðina. Víkingur Reykjavík getur þó farið héðan með höfuðið hátt – frammistan gegn Þrótti var alls ekki slæm og þær hefðu jafnvel átt skilið stig úr leiknum. Með svona frammistöðum er líklegt að liðið bjargi sér frá falli Vondur dagur Linda Líf Boama fær því miður þennan óheiður í dag – að hluta til vegna þess að ég veit hversu mikið býr í henni og að hún getur gert mun betur. Satt er að það er ekki á hverjum degi sem hún mætir einum besta varnarmanni deildarinnar, Jelenu Tinnu, en hún vann, að mig minnir, ekki eitt einasta einvígi gegn henni. Hún náði sér aldrei almennilega á strik og skapaði afar lítið fyrir sitt lið Dómarinn - 4 Því miður fyrir Marit Skurdal, hinn ágæta dómara, skyggir þetta rauða spjald á annars fína dómgæslu. Ég hef horft á atvikið í endursýningu nokkrum sinnum og finnst enn jafn óskiljanlegt að hún hafi dæmt rautt á Sóleyju. Það gerir málið enn þyngra að hún var í frábærri stöðu til að sjá atvikið skýrt, en lyfti samt rauða spjaldinu.

- Meðalaldur 24 ár

- Meðalaldur 20 ár