Kári Snorrason @karisnorra

- Meðalaldur 24 ár

- Meðalaldur 22 ár

Textalýsing Skýrslan Viðtöl

Hvað réði úrslitum? Keflvíkingar mun betra liðið framan af fyrri hálfleik, algjör einstefna. Karl Ágúst Karlsson skorar svo frábært mark og allt í einu HK-ingar komnir í forystu. Keflvíkingar héldu þó enn betur í boltann, en sköpuðu ekki nægilega góð færi og þegar þeir komust í færi var nýtingin dræm. Lokatölur leiksins endurspegla leikinn sjálfan voðalega illa þar sem gestirnir stýrðu leiknum. HK-ingar, eins og þeir hafa gert í sumar, ógnuðu þá mikið úr skyndisóknum og hreinlega refsuðu Keflvíkingum þegar þeir gerðu mistök og ásamt því að loka vel á gestina varnarlega. Bestu leikmenn 1. Karl Ágúst Karlsson Karl frábær, skoraði ótrúlegt mark þar sem hann lék á hálft lið Keflvíkinga og þrumaði boltanum í þaknetið. Ótrúlega vinnusamur og nýtti hraðann vel í skyndisóknum HK. 2. Ólafur Örn Ásgeirsson Óli var frábær í dag, gerir tilkall til að vera maður leiksins. Greip allar fyrirgjafir og varði vel þegar þurfti á vörslum að halda. Atvikið Allt leit út fyrir að Keflvíkingar væru að eiga draumabyrjun í Kórnum þegar Twana Khalid Ahmed benti á punktinn eftir nákvæmlega 15 sekúndur. Stefan Ljubicic fór á punktinn, en brenndi af. Draumabyrjunin ekki svo draumkennd eftir allt saman.

Hvað þýða úrslitin? Keflvíkingar eru í harðri baráttu um að ná umspilssæti. Sem stendur eru þeir í 6. sæti, þremur stigum frá Þrótti sem eiga leik til góða. HK eru í fjórða sæti deildarinnar, fimm stigum frá Keflvíkingum og fjórum stigum frá Njarðvíkingum sem sitja á toppnum. Vondur dagur Stefan Ljubicic, fyrrum leikmaður HK, hefur átt betri daga. Hann klúðraði víti Keflvíkinga sem þeir fengu á fyrstu mínútu leiksins. Auk þess fékk sóknarmaðurinn fleiri færi og stöður en nýtti þær illa. Sindri Kristinn Ólafsson gerði svo út um leikinn fyrir Keflvíkinga þegar hann gaf Bart Kooistra mark á silfurfati, hann á nafnbótina jafnframt skilið. Dómarinn - 9 Twana Khalid Ahmed og félagar með allt í teskeið. Það þarf hreðjar til að dæma víti eftir fimmtán sekúndur og greinilegt að Twana er með þær. Annars gerðu Keflvíkingar tilkall til fleiri vítaspyrna sem var lítið varið í og Twana sleppti því. Erfiður leikur að dæma, en tríóið stóð sig vel.

- Meðalaldur 27 ár

- Meðalaldur 29 ár