Alexander Tonini @

- Meðalaldur 22 ár

- Meðalaldur 19 ár

Textalýsing Skýrslan Viðtöl

Hvað réði úrslitum? Það sem réði úrslitum hér í kvöld var að FH náði að laga skelfilegan varnarleik á þeirra mælikvarða í seinni og halda hreinu. Stelpurnar í FH spiluðu mjög vel í sókn allan leikinn og um leið og varnarleikurinn lagaðist þá var þetta aldrei spurning. Bestu leikmenn 1. Thelma Lóa Hermannsdóttir Skoraði þrennu, lagði upp eitt mark og fékk eitt stykki gult spjald. Með öðrum orðum hún var allt í öllu í sóknarleik FH hér í kvöld. Afgreiðslan sem tryggði henni þrennu var af dýrari gerðinni. 2. Elísa Lana Sigurjónsdóttir Því meira sem ég sé til hennar, því hrifnari verð ég. Hún virðist einfaldlega geta leyst hvaða stöðu sem er – sterk í vörn, örugg á miðjunni og hættuleg sem fremsti maður, eins og hún sýndi á köflum í kvöld. Hún var afar öflug, átti tvær stoðsendingar og sýndi að hún er einn fjölhæfasti leikmaður deildarinnar. Er til leikmaður sem getur meira? Ég er ekki viss. Atvikið Þriðja mark Thelmu Lóu er atvik leiksins þegar þær komast loksins yfir 4-3 með stórkostlegu marki. Geggjuð sending frá Elísu Lönu sem sendir Thelma eina í gegn en færið er þröngt en afgreiðslan í sérflokki stöngin inn framhjá Jessicu í marki Þórs/KA

Hvað þýða úrslitin? Úrslitin tryggja að FH endar ekki neðar en í 3. sæti eftir þessa umferð og líklega í 2. sæti, nema Þróttur taki sig til og vinni Valskonur með fjórum mörkum eða meira. Fyrir Þór/KA heldur taphrynan áfram og liðið getur nú endað í neðstu fjórum sætunum eftir þessa umferð (mjög ólíklegt)– staða sem virtist óhugsandi fyrir örfáum vikum Vondur dagur Varnarleikurinn í fyrri hálfleik hjá báðum liðum fær engan heiður, og þjálfarar beggja liða voru sammála um að hann var langt frá því að teljast ásættanlegur. Þegar liðin gengu til búningsherbergja í hálfleik, staðan 3–3, var ljóst að eitthvað hafði farið verulega úrskeiðis í varnarvinnunni. Dómarinn - 4 Setja má spurningamerki við nokkra dóma í þessum leik. Á 21. mínútu fékk Henríetta gult spjald fyrir glórulausa tæklingu aftan frá á Deju, en aðeins mínútu síðar fékk Andra Rán gult fyrir nánast ekki neitt. Í seinni hálfleik var erfitt að skilja hvernig leikmaður Þórs/KA slapp við gult þegar hún braut á Elísu Lönu, sem var komin framhjá, með því að halda í hendina á henni. Samræmi í gulu spjöldunum virtist skorta hjá Guðmundi Páli í kvöld. Að auki má efast um hvort fyrsta mark Þórs/KA hefði yfir höfuð átt að standa.

- Meðalaldur 24 ár

- Meðalaldur 19 ár