Elíza Gígja Ómarsdóttir @fotboltinet

- Meðalaldur 25 ár

- Meðalaldur 24 ár

Textalýsing Skýrslan

Hvað réði úrslitum? KR voru heilt yfir betri í leiknum og áttu sigurinn svo sannarlega skilið. Eftir að lenda undir snemma leiks, hertu þeir tökin meira og meira eftir því sem leið á leikinn og það var í raun ótrúlegt að Afturelding hafi haldið markinu hreinu í fyrri hálfleik. KR héldu sínu striki í seinni hálfleik og náðu að koma boltanum í netið í tvígang sem dugði til. Bestu leikmenn 1. Aron Sigurðarson (KR) Aldrei er góð vísa of oft kveðin, Aron Sigurðarson er bara langbesti leikmaður þessa KR liðs. Þeir leita mikið til hans til að skapa sem er mögulega hamlandi fyrir liðið af og til en eiginlega allt sem gerist fram á við hjá KR fer á einn eða annan hátt í gegn um hann. Þeir spiluðu á tímum 4-2-3 í þessum leik og Aron var bara þar sem honum sýndist, það var bara ekki hægt að koma honum inn í uppstillinguna á einn stað þar sem hann var á stanslausri hreyfingu. Skoraði auðvitað úr vítinu og kom liðsfélögum sínum í góðar stöður. 2. Gabríel Hrannar Eyjólfsson (KR) Gabríel Hrannar var flottur í dag. Kemur að báðum mörkunum, fiskar vítið og leggur upp á Eið Gauta, og var flottur til baka líka. Hélt Elmari Kára alveg í skefjum í þær 85 mínútur sem hann var inn á vellinum sem er meira en margir bakverðir í deild þeirra bestu geta sagt. Atvikið Þegar KR jöfnuðu leikinn þá var eiginlega aldrei vafi á því hvar punktarnir þrír myndu enda. Þeir voru með slíka yfirburði inn á vellinum að þeir voru alltaf að fara að setja annað mark og í raun ótrúlegt að mörkin hafi ekki verið fleiri

Hvað þýða úrslitin? KR jafna Aftureldingu að stigum en koma sér upp úr fallsæti á markatölunni. Afturelding tekur við 11. sætinu af KR þar sem þeir eru með 20 stig. Slíkur er pakkinn þó að FH eru í 7. sætinu með 22 stig, líkt og KA, sem Afturelding á einmitt í næsta leik. Það þarf ekki nema eina umferð og taflan tekur á sig allt aðra mynd, svo stutt er á milli liða. Vondur dagur Elmar Kári fer líklega ekki sáttur á koddann í kvöld. Var skugginn af sjálfum sér allan leikinn og náði lítið að ógna marki KR. Gerðist svo brotlegur í vítinu sem KR fengu, þrátt fyrir að það hafi ekki verið neinn fautaskapur í brotinu þá var það mjög klaufalegt. Dómarinn - 8 Mér fannst ÞÞÞ bara komast vel frá þessu í dag. Stúkan lét hann nú heyra það af og til en mér fannst línan fín hjá honum og hann leyfði leiknum að rúlla vel, var ekkert að flauta á neinn óþarfa. Vítið réttur dómur við fyrstu sýn, bara mjög klaufalegur varnarleikur hjá Aftureldingu þar. Fær plússtig fyrir tilburði sína þegar hann bað menn um að standa á lappir, þau voru ansi skýr skilaboðin í þeim hreyfingum og ég hafði gaman að.

- Meðalaldur 27 ár

- Meðalaldur 24 ár