Haraldur Örn Haraldsson @haraldur_orn

- Meðalaldur 28 ár

- Meðalaldur 23 ár

Textalýsing Skýrslan Viðtöl

Hvað réði úrslitum? Fyrri hálfleikurinn var slakur hjá Blikum, en andstæðingurinn var ekkert betri. Þeir fá bara mark úr horni sem var mjög óheppilegt. Boltinn skoppar bara af lærinu á sóknarmanni þeirra og inn. Svo byrjar seinni háfleikurinn bara á því að Valgeir Valgeirs skallar boltann í eigið net beint eftir annað horn. Þá var brekkan orðin of brött. Blikar voru flottir í seinni hálfleik en náðu ekki að skapa nóg af dauðafærum. Bestu leikmenn 1. Kristinn Steindórsson Kiddi kom frábærlega inn af bekknum. Átti nokkur skot í góðum færum þar sem hann var óheppinn að skora ekki. 2. Kristinn Jónsson Kiddarnir tveir fá þetta í dag. Þegar Blika liðið virkaði hægt og lítið af góðum hlaupum fannst mér Kiddi Jóns bjóða upp á hvað mesta sprengju. Atvikið Sjálfsmarkið hjá Valgeiri var afskaplega óheppilegt og á hrikalegum tíma. Hann ætlar að skalla boltann aftur fyrir en hittir hann ekki nógu vel og boltinn endar í eigin marki.

Hvað þýða úrslitin? Breiðablik fer í lokaumferð forkeppni Sambandsdeildarinnar þar sem þeir þurfa að vinna Virtus Acquaviva frá San Marínó til þess að fara í deildarkeppni Sambandsdeildarinnar. Vondur dagur Auðvitað hefur það ekki verið skemmtilegt hjá Valgeiri Valgeirs að skora sjálfsmark. Einnig fannst mér Óli Valur alls ekki finna sig í dag. Dómarinn - 4 Dómgæsla Grikkjans og hans teymi kom ekki að sök í úrslitunum. Hins vegar fannst mér hann arfaslakur. Hann hélt fundi fyrir allt og ekkert, ég er frekar viss um að Viktor Karl hafi einu sinni sagt aðeins svekktur þegar dæmt var á hann ,,Ég náði boltanum". Þá var Viktor bara tekinn á heljarinnar fund fyrir það að voga sér að yrða á manninn. Spjöldin virkuðu ekki hafa neina línu, svo voru fjórar mínútur gefnar í uppbótartíma. Það var rautt spjald á þeim mínútum og gestirnir að tefja mikið, en dómarinn flautaði næstum strax eftir að fjóru mínúturnar voru búnar.