Fótbolti.net

Í BEINNI

Besta-deild karla

Lengjudeild karla

Besta-deild karla

Lengjudeild karla

Breiðablik

Sölvi Haraldsson @Breiiiiiiiiiii

Davíð Ingvarsson '25 1-0

1-1 Kristján Flóki Finnbogason '32

Davíð Ingvarsson '36 2-1

17.08.2025 - 19:15
Kópavogsvöllur
Besta-deild karla
Dómari: Twana Khalid Ahmed

Byrjunarlið:

- Meðalaldur 27 ár

Varamenn:

- Meðalaldur 26 ár

Liðsstjórn:

Gul spjöld:

Rauð spjöld:

Endurhlaða

36. mín

MARK!

Davíð Ingvarsson (Breiðablik)
Stoðsending: Damir Muminovic

Blikar leiða aftur! Damir með gjörsamlega frábæra sendingu í gegnum vörn FH sem Davíð kemst í. Hann nær skotinu á markið sem Rosenörn nær að setja hendurnar í og það hægir ferðina á boltanum. Birkir Valur hleypur að línunni og reynir að bjarga þessu en sparkar boltann í netið við pressu Davíðs.

Þetta verður örrugglega skráð sem sjálfsmark en ég gef Davíð þetta, boltinn var á leiðinni á markið.

Eyða Breyta

Er kominn tími á pizzu? Nú er stutt í hálfleik og fullkominn tími til að panta pizzu til að njóta með seinni hálfleiknum! Kíktu á Dominos.is

Eyða

32. mín

MARK!

Kristján Flóki Finnbogason (FH)
Stoðsending: Kjartan Kári Halldórsson

FH-INGAR JAFNA! Kjartan Kári kemur með sendingu inn á teiginn, inn fyrir vörn Blika, sem Kristján nær til og potar boltanum framhjá Antoni. Spurning hvort Kristján hafi náð að snerta boltann en ég gef honum þetta.

En hvar var vörn Blika þarna? Varnarleikur Blika búinn að vera úti á túni þessar upphafsmínútur, bæði á og án boltans.

Eyða Breyta

25. mín

MARK!

Davíð Ingvarsson (Breiðablik)
Stoðsending: Kristinn Steindórsson

BLIKAR LEIÐA! Frábær fyrirgjöf hjá Kristni Steindórssyni inn á teiginn sem Davíð Ingvars gerir frábærlega í að klára.

Mögulega gegn gangi leiksins? Blikum er allavegana alveg sama, frábært mark.

Eyða Breyta

24. mín

Sigurður aftur að ógna Langur bolti upp völlinn sem Sigurður Bjartur skallar með ansi góðum krafti á markið. Anton var staðsettur frekar framarlega í markinu en hann nær að bakka og handsama boltann.

Eyða Breyta

22. mín

FH-ingar ofan á Staðan í skotum í leiknum er Breiðablik 3-6 FH. FH-ingar miklu líklegri að taka forystuna þessar upphafsmínútur.

Eyða Breyta

21. mín

FH í góðu færi Frábært spil FH-inga sem endar með skoti Sigurðar við vítateigslínuna á markið sem Anton ver.

Eyða Breyta

15. mín

Blikar í allskonar veseni! Fáranleg sending hjá Ágústi Orra til baka á Anton Ara. Boltinn skoppar við vítateigs línuna og Anton er mættur til þess að hreinsa en Sigurður Bjartur er á undan honum í boltann. Siggi kemst framhjá Antoni og reynir að setja hann í tómt markið en hann var kominn í alltof þröngt færi og setur boltann ofan á þverslána.

Blikar stálheppnir þessar upphafsmínútur.

Eyða Breyta

14. mín

FH í hörkufæri Kjartan Kári keyrir inn á teiginn og kemur með boltann yfir á Björn Daníel sem tekur skotið á markið en Anton Ari gerir vel í að verja áður en Blikar hreinsa frá.

Eyða Breyta

12. mín

Birkir Valur keyrir inn á teiginn og kemur með boltann inn á teiginn sem fer beint í lúkurnar á Antoni.

Eyða Breyta

9. mín

Gjöf? FH hatar að spila á gervigrasi á meðan Blikar elska það. Epic býður okkur upp á stuðulinn 2.20 á að Breiðablik vinnur leikinn, ansi gott value í því ef þú spyrð mig.

Eyða Breyta

5. mín

Rétt framhjá! Viktor Örn með galna sendingu til baka á Anton sem Kjartan Kári kemst fyrir og setur boltann rétt framhjá. Þetta var ekkert smá nálægt því.

Eyða Breyta

5. mín

Blikar í hörkusókn og FH-ingar liggja niðri í nauðvörn í rúmlega hálfa mínútu og standa sóknarpressu Blika af sér.

Eyða Breyta

1. mín

Leikur hafinn

Blikar byrja þetta í dag þegar Twana flautar leikinn í gang.

Góða skemmtun segi ég.

Eyða Breyta

Fyrir leik

Byrjunarliðin Það eru fimm breytingar á liði Breiðabliks eftir tapið gegn Zrinjski Mostar í forkeppni Evrópudeildarinnar.

Höskuldur Gunnlaugsson, Viktor Karl Einarsson, Óli Valur Ómarsson og Kristinn Jónsson setjast á bekkinn og Valgeir Valgeirsson er ekki í hópnum. Arnór Gauti Jónsson, Kristinn Steindórsson, Aron Bjarnason, Davíð Ingvarsson og Gabríel Snær Hallsson koma inn í liðið.

Dagur Örn Fjeldsted og Einar Karl Ingvarsson detta út úr liði FH eftir sigur gegn ÍA í síðustu umferð. Tómas Orri Róbertsson og Kristján Flóki Finnbogason koma inn í liðið. Heimir Guðjónsson tekur út leikbann og Kjartan Henry Finnbogason stýrir því liðinu í kvöld.

Eyða Breyta

Fyrir leik

Einar Freyr spáir í spilin Einar Freyr Halldórsson, leikmaður Þórs í Lengjudeildinni, er spámaður umferðarinnar í Bestu deildinni. Hann spáir nokkuð öruggum heimasigri.

Breiðablik 3 - 1 FH (19:15 í dag)
Blikar komast 2-0 yfir snemma, Sigurður Bjartur minnkar muninn en Ágúst Orri klárar þetta fyrir Blikana.

17.08.25 11:03

Vonarstjarna Þórsara spáir í 19. umferð Bestu deildarinnar

Eyða Breyta

Fyrir leik

Twana á flautunni Twana Khalid Ahmed er dómari leiksins í dag.

Bergur Daði Ágústsson og Antoníus Bjarki Halldórsson aðstoða hann og Þorfinnur Gústaf Þorfinsson er skiltadómari. Oddur Helgi Guðmundsson er eftirlitsmaður KSÍ.

Mynd: Fótbolti.net - Hafliði Breiðfjörð

Eyða Breyta

Fyrir leik

Staðan í deildinni og fyrri leikir - FH ekki sótt stig á gervigrasi Breiðablik er fyrir leiki kvöldsins í 3. sæti, með jafnmörg stig og Víkingur í 2. sætinu og fimm stigum frá toppliði Vals. Stjarnan er svo stigi á eftir í 4. sætinu eftir sigurinn gegn Vestra fyrr í dag.

FH er í 8. sæti með 22 stig, þremur stigum minna en Fram í 6. sætinu en með betri markatölu og getur því komist upp í efri hlutann með sigri. ÍBV er í 7. sætinu með 24 stig eftir sigurinn á Val í dag. FH er tveimur stigum frá fallsæti og sex stigum fyrir ofan botnlið ÍA fyrir leiki dagsins.

Breiðablik tapaði 1-2 gegn Zrinjski Mostar á fimmtudag og féll með því úr leik í forkeppni Evrópudeildarinnar. Breiðablik mun spila í umspili um sæti í Sambandsdeildi næstu tvo fimmtudaga. Liðið mætir þar AC Virtus frá San Marínó. Breiðablik tapaði líka 2-1 síðasta sunnudag þegar liðið mætti Val.

FH vann 3-2 endurkomusigur gegn ÍA síðasta sunnudag. Sigurður Bjartur Hallsson (2) og Ísak Óli Ólafsson skoruðu mörk FH í þeim leik. Heimir Guðjónsson fékk að líta rauða spjaldið í fyrri hálfleik og verður því í leikbanni í dag.

Fyrri leikur þessara liða endaði með 2-0 sigri FH í Kaplakrika.

FH hefur til þessa ekki sótt eitt einasta stig á gervigrasi, og það er gervigras á Kópavogsvelli.

Eyða Breyta

Fyrir leik

Tækifæri fyrir bæði lið Gestirnir úr Hafnarfirði sjá tækifæri í því að komast upp í efri hlutann með sigri. Blikar sjá svo dauðafæri á því að komast nær toppliði Vals. Munurinn á liðunum eru fimm stig, en Valsarar töpuðu gegn ÍBV í Eyjum í dag.

Eyða Breyta

Fyrir leik

Velkomin á Kópavogsvöll Góða kvöldið lesendur góðir og veriði velkomnir á leik Breiðabliks og FH í 19. umferð Bestu deildarinnar.

Leikurinn hefst klukkan 19:15 og fer fram á Kópavogsvelli, heimavelli Breiðabliks.

Mynd: Fótbolti.net - Hafliði Breiðfjörð

Eyða Breyta

Byrjunarlið:

- Meðalaldur 26 ár

Varamenn:

- Meðalaldur 24 ár

Liðsstjórn:

Gul spjöld:

Rauð spjöld: