Kjartan Leifur Sigurðsson @kjartanleifurs

- Meðalaldur 27 ár

- Meðalaldur 25 ár

Textalýsing Skýrslan Viðtöl

Hvað réði úrslitum? Vestri glímdi við einhverskonar bikarþynnku í dag og voru ólíkir sjálfum sér. Víkingar nýttu sér klaufalegan varnarleik sem leiddi af þessu og skoruðu fjögur mörk. Vestramenn líklega ekki of mikið að horfa í þennan leik, úrslitaleikurinn enn í fersku minni. Bestu leikmenn 1. Valdimar Þór Ingimundarson Öflugur í dag eins og svo oft áður. Leggur upp tvö mörk og skorar sitt fyrsta deildarmark frá því í apríl. Gott dagsverk. 2. Nikolaj Hansen Daninn skilar alltaf mörkum. Í dag voru þau tvö, fjórða markið var sérstaklega mikilvægt enda voru Vestramenn nýbúnir að skora. Atvikið Fjórða mark Víkinga. Ef Vestramenn héldu að þeir gætu klifið fjallið og komist aftur inn í leikinn eftir mark Birkis þá voru þeir ekki lengi að fá svar við því.

Hvað þýða úrslitin? Víkingar halda áfram að elta Valsara en eru enn tveimur stigum frá þeim. Vestri er enn í sjötta sætinu og munu berjast fram á seinasta blóðdropa um að halda sér í efri hlutanum. Vondur dagur Vestramenn náðu sér ekki á strik í dag enda eflaust mikið spennufall í hópnum eftir að hafa tryggt fyrsta stóra titil í sögu félagsins. Dómarinn - 9 Ég ætlaði að gefa honum lægri einkunn enda fannst mér upprunanlega Valdimar vera rangstæður í sínu marki en eftir að hafa séð atvikið aftur þá er ljóst að svo var ekki, vel gert að negla það.

- Meðalaldur 28 ár

- Meðalaldur 26 ár