Gunnar Bjartur Huginsson @GunnarBjartur

- Meðalaldur 26 ár

- Meðalaldur 24 ár

Textalýsing Skýrslan

Hvað réði úrslitum? Gæði Braga á síðasta þriðjungi vallarins. Fannst eins og hlutirnir hafi bara gerst örlítið hraðar hjá þeim og úrslitin eftir því. Valskonur reyndu að pressa þær og gerðu það ágætlega á köflum en þegar Braga leysti pressuna, þá var allt galopið. Braga var eðli máls samkvæmt mun líklegri aðilinn fyrir leik og því engin skömm að tapa fyrir þeim. Bestu leikmenn 1. Guðrún Arnardóttir Skoraði og stóð sína plikt vel. Gat ekkert gert í marki Vals. Ekki hægt að biðja um mikið meira. Hefði verið hægt að velja Ásdísi Karen en hún átti stoðsendinguna í marki Guðrúnar og var lífleg allan leikinn. 2. Jordyn Rhodes Var líklegasti sóknarmaður Vals. Átti skalla í slá, tók réttu hlaupin og skoraði svo verðskuldað mark. Atvikið Það var þegar að Jordyn Rhodes átti fastan skalla í slá í stöðunni 0-1 eftir frábæran undirbúning frá Elísu Viðars. Það hefði mögulega geta breytt gangi leiksins. Ef og hefði, og allt það.

Hvað þýða úrslitin? Þá er ljóst að Valskonur fara ekki áfram í úrslit um sæti í næstu umferð en þær munu spila upp á þriðja sætið gegn Inter Milan en Brann vann Inter í undanúrslitum um sæti í næstu umferð. Þar geta þar unnið sér inn evrópustig sem skipta máli fyrir íslenska kvennaboltann. Braga mun þá mæta Brann í úrslitaleik. Vondur dagur Valskonur stóðu sig nú bara heilt yfir vel og en vantaði aðeins upp á fram á við sérstaklega í fyrri hálfleik. Þær voru að vinna boltann hátt á vellinum og koma sér í fínar stöður en það skorti yfirvegun á síðasta þriðjungi vallarins. Ég set þetta bara á slaka færanýtingu og ákvarðanatöku á síðasta þriðjungnum. Það var eiginlega alveg jafnt á tölfræði liðanna í hálfleik en Valur samt 0-2 undir. Dómarinn - 8 Volha Blotskaya stóð sig bara nokkuð vel í þessum leik og hafði ágætis stjórn á leiknum.