Sverrir Örn Einarsson @SEinarsson

- Meðalaldur 26 ár

- Meðalaldur 22 ár

Textalýsing Skýrslan Viðtöl

Hvað réði úrslitum? Eftir að hafa elt leikinn í upphafi fóru Skagamenn að spila á sínum styrkleikum er líða fór á fyrri hálfleikinn. Mark eftir fast leikatriði var nokkuð sem við sáum ÍA gera oft í fyrra og í dag buðu þeir upp á sýnishorn af því. Kraftmikil hlaup, vinnusemi frá aftasta til fremsta manns og trú á verkefnið. Tek þó ekkert af liði Aftureldingar sem reyndi og gerði margt mjög vel. En það sést bersýnilega að liðið er alveg meðvitað um það að hafa ekki unnið leik í að verða 3 mánuði. Bestu leikmenn 1. Ómar Björn Stefánsson Framan af var hann ekkert endilega í topp 2 hjá mér en eftir seinna mark hans í dag þá datt hann inn. Sjálfstraustið skín í gegn hjá honum og það sést að hann er að skemmta sér vel á vellinum. 2. Rúnar Már Sigurjónsson/ Árni Marinó Einarsson Ég hreinlega get ekki gert upp á milli þeirra tveggja í dag. Árni með sínar vörslur framan af leik og Rúnar með sína ró og sína spyrnugetu úr miðverðinum. Toppleikur hjá báðum. Atvikið Seinna mark Ómars sem hann gerði með glæsilegu skoti frá vítateigshorni. Skömmu áður höfðu gestirnir minnkað munin í 2-1 og maður hugsaði hvort eitthvað væri í kortunum enda lið Aftureldingar að þjarma nokkuð að ÍA á þeim tímapunkti. Ómar tók þá málin í sínar hendur og klíndi boltanum í hornið og kláraði leikinn.

Hvað þýða úrslitin? Bæði lið sitja í fallsætum eða sætum 11 og 12 nú þegar deildinni er skipt. Sálrænt fyrir lið ÍA er það eflaust sterkt að ná að spyrna sér af botninum sem og sárt fyrir Aftureldingu. Það er þó hellingur enn eftir og ekkert ráðið í þessari baráttu.Sæakar Vondur dagur Sálartetur liðmanna Aftureldingar veitir ekkert af upplyftingu. Liðið er oft á tíðum að spila vel og herja grimmt á mótherja sína en sigurinn hreinlega vill ekki falla þeirra megin. Dómarinn - 7 Svona heilt yfir var leikurinn vel dæmdur. Ég set þó spurningamerki við hvort Sigurpáll Melberg hafi átt að líta rauða spjaldið þegar hann var dæmdur brotlegur gegn Viktori Jónssyni sem aftasti maður. Brot var dæmt og maður reiknaði með að rauða spjaldið færi á loft en það gula var látið duga. Spurning um að kalla það Salómónsdóm því ég er ekkert endilega viss um að rétt hafi verið að dæma brot enda ríghéldu þeir báðir hvorn í annan.

- Meðalaldur 26 ár

- Meðalaldur 26 ár