Kári Snorrason @karisnorra

- Meðalaldur 28 ár

- Meðalaldur 24 ár

Textalýsing Skýrslan Viðtöl

Hvað réði úrslitum? Leikurinn var í járnum, eftir óskabyrjun Stjörnunnar tóku Víkingar stjórnina á leiknum og komust sanngjarnt yfir rétt fyrir hálfleik. Fyrri hluti síðari hálfleiks fer ekki í sögubækurnar vegna skemmtanagildis öfugt við síðustu tíu mínútur leiksins. Dramatíkin var í hámarki er Stjörnumenn jöfnuðu og bæði lið virtust sækja til sigurs. En það sem skildi liðin að í dag voru dýrkeypt mistök í öftustu línu Stjörnunnar undir lok leiks. Bestu leikmenn 1. Valdimar Þór Ingimundarson Valdimar kórónaði frábæran leik með því að skora sigurmarkið undir lok leiks, sótti ófáar aukaspyrnur og lagði upp fyrsta mark Víkings. 2. Örvar Eggertsson Þessi maður er gereyðingarvopn í teignum og það á góðan hátt. Stekkur alltaf manna hæst og ræðst á alla bolta, skoraði tvö góð mörk í dag, en því miður fyrir Garðbæinga dugði það ekki til. Atvikið Óumdeilanlega er það sigurmark Víkings. Það ætlaði allt um koll að keyra þegar þeir skoruðu og stuðningsmenn Víkings sungu: „Íslandsmeistarar, já Íslandsmeistarar.“ Þetta var markið sem svo gott sem tryggði þeim titilinn.

Hvað þýða úrslitin? Víkingar eru með níu fingur á titlinum og tíundi fingurinn er skammt frá. Sjö stiga forskot og þrjár umferðir eftir, himin og jörð þyrftu að farast svo að Víkingar klári þetta ekki. Vondur dagur Samúel Kári Friðjónsson á eflaust eina erfiða og svefnlausa nótt framundan. Hann gerðist sekur um dýrkeypt mistök þegar langt var liðið á uppbótartíma sem varð til þess að Víkingar sóttu sigurinn og titilvonir Stjörnunnar urðu litlar sem engar. Dómarinn - 8 Ívar Orri og félagar áttu sér erfiðan leik fyrir höndum. Það var mikil harka og mikil ákefð. Það var ekkert við þá að sakast fannst mér. Alltaf einhverjir dómar hér og þar en þeir mega vera sáttir við sig í dag.

- Meðalaldur 29 ár

- Meðalaldur 25 ár