Kári Snorrason @karisnorra

- Meðalaldur 27 ár

- Meðalaldur 23 ár

Textalýsing Skýrslan Viðtöl

Hvað réði úrslitum? Það er ekkert launungamál að Breiðablik stýrði leiknum hér í dag. Stjarnan refsaði Blikum harkalega í fyrri hálfleik með vel útfærðri skyndisókn og hröðu upphlaupi. Það er með lífsins ólíkindum hvernig Blikum tókst ekki að skora fleiri en þrjú mörk í dag. Tréverkið virtist vera þeirra helsti óvinur þar sem boltinn hafnaði þar fjórum sinnum eftir marktilraunir Blika. Stjörnumenn vörðust og börðust, þeir sluppu fyrir horn og tryggðu sér Evrópusætið, en það mátti ekki tæpara standa. Bestu leikmenn 1. Höskuldur Gunnlaugsson Fyrirliðinn frábær í dag, skoraði tvö mörk og var hársbreidd frá því að bæta því þriðja við. Meira um það í Atvikinu. 2. Örvar Eggertsson Örvar skoraði og lagði upp ásamt því að eiga stangarskot í seinni hálfleik, virkilega góður í dag eins og hann hefur verið á tímabilinu. Atvikið Þegar langt var liðið á uppbótartímann gáfu Blikar fyrir. Boltinn í miðjan teiginn, Höskuldur Gunnlaugsson gerir sér lítið fyrir og hleður í hjólhestaspyrnu. Hann smellhittir hann en boltinn, því miður fyrir Blika, í þverslána. Hefði þetta farið inn hefði þetta mark tryggt þeim í Evrópu, fullkomnað þrennu Höskulds ásamt því að vera mark tímabilsins. Vert að nefna mark Antons Loga var ekki af verri endanum heldur.

Hvað þýða úrslitin? Stjarnan endar í 3. sæti og leikur í forkeppni Sambandsdeildar Evrópu á næsta ári. Breiðablik sitja Evrópulausir eftir í fjórða sæti. Vondur dagur Aron Bjarnason fékk tvö frábær færi til þess að skora en náði ekki að nýta þau, leikmaður á þessum gæðaflokki hefði átt að nýta annað þessara færa í hið minnsta. Dómarinn - 9 Ívar Orri og félagar flottir í dag, ekkert við þá að sakast.

- Meðalaldur 28 ár

- Meðalaldur 23 ár