Öruggur Selfoss sigur!

Hákon Logi fékk boltann eitthvað illa í sig rétt fyrir ofan mitti og lá smá eftir, harkar þetta af sér þó.

Arnór Elí er búin að þurfa grípa nokkra bolta sem virðast ekki ætla finna menn Augnabliks í teignum

Guðmundur Stefáns með skot sem fór vel yfir, fínt færi svo sem

Léttur bolti í teiginn sem Frosti reynir að klára með hjólhestaspyrnu.

Töluvert meira bras að koma boltanum fram hjá Selfossi, en einnig mun betra spil hjá Augnabliki

Boltinn datt fyrir leikmann Augnabliks sem átti fast skot á markið en virkilega vel varið og hættunni komið burt.

Augnablik byrjað ágætlega en eina færið sem hefur komið var skalli eftir hornspyrnu hjá Selfossi

Þrjú stór púsl fá hvíld frá seinni hálfleik.
Skiluðu allir sínu í dag.

Góð varsla frá Indrit Hoti á skoti Viðars en boltinn datt fyrir Aron Fannar sem skellti boltanum í fyrsta leeengst yfir

Frosti sem slapp einn í gegn eftir sendingu Viðars en tæp rangstæða réttilega dæmd.

Selfoss að halda í boltann ótrúlega vel, gæði og kraftur í heimamönnum.

Kom hár bolti í átt að marki Selfoss sem Arnór Elí markvörður fór og kýldi, smá hætta að boltinn væri að berast að markinu en svo var ekki.

Selfoss með flotta takta og finna Elvar aleinann í gegn en hann lendir í samstuði og liggur eftir.

Hljómaði illa fyrst og börur mættar en þarf ekki. Virðist þó vera búin í dag.

Tvær hornspyrnur í röð og endar á að VIðar feldur í klafsi.

Selfoss að reyna spila frá marki en boltinn varla úr teignum þegar Augnablik kemst í hann og finna skot sem var afleitt.

Fyrsta horn er Augnaliks

Aron Fannar meeð flottan bolta gegnum vörnina sem finnur Viðar Örn.
Hann með sendingu í teiginn en Elvar með skot í stöng og boltinn rennur svo bakvið Indrit í markinu en enginn til að klára

Selfoss byrja með vindinn í bak

Það er gervigrasið í dag í alvöru íslensku kuldaroki.
Vindurinn blæs ágætlega frá norðri þannig möguleiki að það hafi einhver áhrif í dag.

Byrjunarliðin eru hér á hliðunum.

Áhugavert að sjá mann fyrstu umferðar Róbert Laufdal á bekknum hjá Augnablik, annars er Viðar Örn í startinu hjá Selfossi og fyrirliðinn hjá heimamönnum er Daði Kolviður. Bandið hjá gestunum ber hann Guðmundur Andri.

Selfoss vann KÁ í fyrstu umferð bikarsins með fínum 3-0 sigri á útivelli. Mörkin komu frá Guðmundi Stefánsson og Elvari Orra í fyrri hálfleik. Síðan var það Viðar Örn Kjartansson sem skoraði þriðja og síðasta mark leiksins.

Augnablik tók hins vegar á móti Uppsveitum og það má segja að það hafi verið þæginlegur leikur.
6-0 í hálfleik og úrslit 12-1 sigur Augnabliks.
Róbert Laufdal henti í fernu og þrír aðrir leikmenn Augnabliks skoruðu 2 mörk.

Dregið var í 32-liða úrslit um daginn og því vitum við að liðið sem vinnur hér í kvöld fær útileik gegn Stjörnunni þann 5.apríl kl 15:00

Það er 64-liða leikur á Selfossi hér í kvöld. Heimamenn taka móti Augnablik.

Leiknum verður sparkað af stað á slaginu 19:00