Helgi Inguson @fotboltinet

- Meðalaldur 25 ár

Textalýsing Skýrslan Viðtöl

Hvað réði úrslitum? Magnaður sóknarleikur ÍR-inga réði úrslitum. Breiðhyltingar voru afskaplega skeinuhættir fram á við. Varnarleikur Aftureldingar var náttúrulega slakur en það er ekki hægt að taka neitt frá gæðamiklum sóknum ÍR liðsins. Bestu leikmenn 1. Stefán Þór Pálsson Framherjinn átti nánast fullkominn leik. Hann skorar tvö og leggur upp tvö ofan á það. Hann var að auki mjög öflugur þegar liðið pressaði. 2. Emil Nói Sigurhjartarson Emil var mjög öflugur á miðju ÍR. Hann stjórnaði spilinu og var öruggur í öllum sínum aðgerðum. Tvenna og stoðsending skemmir ekki fyrir. Atvikið Fyrsta mark leiksins. Stefán Þór er illa dekkaður í horni og á viðstöðulaust skot sem kemur ÍR yfir. Við það byrjar geðveikin.

Hvað þýða úrslitin? ÍR er komið með þrjú stig og verður að öllum líkindum á toppi deildarinnar eftir umferðina. Næst bíður Þróttur Reykjavík á útivell. Fyrsti leikur Aftureldingar í sumar endar með tapi, Mosfellingar freista þess að koma stigum á töfluna gegn Völsungi í næstu viku. Vondur dagur Varnarleikur Aftureldingar var arfaslakur. Ekki hægt að velja neinn sérstakan leikmann. Liðið spilaði lélegan varnarleik í heild sinni. Vörnin var alltof oft sundurspiluð og mörk ÍR virkuðu auðveld. Dómarinn - 7 Arnar dæmdi þetta vel. Það var mikill hraði í leiknum og ekki öfundsvert verkefni að dæma hann. Arnar leyfði leiknum að fljóta vel á mörgum köflum. Mér sýndist vítaspyrnudómurinn vera háréttur.

- Meðalaldur 23 ár