SKÝRSLAN: Fyrsti sigur Keflavíkur staðreynd
Hvað réði úrslitum?
Mér fannst krafturinn og orkan í Keflvíkingum bara meiri í þessum leik, KA byrjuðu leikinn betur en svo tók Keflavík bara yfir leikinn. KA áttu svosem smá kafla í seinni hálfleik sem þeir ógnuðu aðeins.
Bestu leikmenn
1. Stefan Ljubicic
Gerir virkilega vel í markinu og fær annað færi seinna sem hann gerir líka vel en Samuel Kroon bjargaði þar á línu. Hélt einnig boltanum vel fyrir Keflvíkinga.
2. Axel Ingi Jóhannesson
Ég ætla gefa Axel þetta, mér fannst hann virkilega öflugur í dag keyrði upp hægri vænginn oft og lét KA menn hafa fyrir sér og var góður varnarlega líka. Ég ætla samt að gefa shout á Sindra Snæ fyrir 2 stangarskot og baráttuna á miðjunni.
Atvikið
Sigurmark Keflavíkur, Ásgeir Orri tekur markspyrnu sem skoppar yfir alla og Eiður Orri sendir boltann á Stefan Ljubicic sem kláraði vel framhjá Steinþóri.
Hvað þýða úrslitin?
Keflavík vinnur sinn fyrsta leik og eru með 4 stig í 8.sæti.
KA eru án sigurs með 1 stig í 10.sæti og eiga enn eftir að vinna heimaleik þrátt fyrir að vera búnir að spila 3 heimaleiki.
Vondur dagur
KA liðið eiginlega bara allt! fannst lítil orka og kraftur í þeim en áttu nokkur moment sem þeir gerðu vel en Keflavík átti þennan leik í dag og þetta var verskuldaður sigur.
Dómarinn - 7
Pétur leyfði mikið í dag og ætlaði greinilega að láta leikinn fljóta vel. KA stuðningsmenn vildu 2 víti en það var mjög soft og mér finnst rétt hjá Pétri að dæma ekki víti þar.