Öruggur sigur Þróttara staðreynd! Viðtöl og skýrsla væntanleg.

Frábær sending fyrir markið frá Magnúsi Þórðar sýndist mér endar á fjær þar sem Eiríkur Blöndal var næstum búin að bæta við þriðja markinu en Hjörvar Daði lokaði vel.

Það er svolítið tilfinningin að bæði lið séu bara að bíða eftir lokaflautinu. Lítið í gangi síðustu mínútur.

Kári Kristjáns á tilraun fyrir utan teig sem fer inn í þvöguna og endar hjá Magnúsi Þórðarsyni sem kemur á ferðinni aleinn á fjærstöng en lyftir boltanum yfir markið.

Gunnleifur Orri með skemmtilega takta og á flotta tilraun sem fer af varnarmanni og aftur fyrir.

Magnús Þórðarson skorar fyrir Þrótt en flaggið komið á loft. Þróttarar ekki langt frá því að ganga bara endanlega frá þessu.

Grindvíkingar að undirbúa þrefalda skiptingu sýnist mér á bekknum.

Rúnar Ingi með skalla yfir markið eftir fínasta bolta fyrir markið frá Heiðari Snær sýndist mér það vera. Grindvíkingar reyndu að kalla eftir vítaspyrnu stuttu áður en það voru mjög veik köll sem Gunnar Oddur réttilega hlustaði lítið á.

Fyrirgjöf frá Erni Braga of innarlega og beint í fangið á Hjörvari Daða.

Grindvíkingar sækja hratt og Rafael Victor kemur boltanum út á Inga Sig sem á flotta sendingu á Rúnar Inga sem er svo einn á móti Ladda sem kemur vel út á móti og lokar á hann! Grindvíkingar munu ekki fá mikið betri færi en þetta í leiknum!

Allt í einu er Örn Bragi einn á móti Hjörvari Daða og lætur vaða fínasta skot sem er beint á Hjörvar Daða sem ver þetta vel. Grunamlega einn allt í einu í teignum.

Þróttarar hættulegir þegar þeir komast á boltann.

Grindavík búnir að þrýsta Þrótti neðarlega á völlinn en eru ekki að ná að skapa sér færi.

Brynjar Gautur með fyrirgjöf sem fer í gegnum allan pakkann en virðist fara af Grindvíkingi því Þróttarar fá innkast.

Þróttur fær aukaspyrnu sem Kári Kristjáns spakar fyrir markið en Grindvíkingar ná að díla vel við þetta.

Þróttarar sparka okkur af stað aftur.

Skemmtilegur fyrri hálfleikur að baki þar sem heimamenn í Þrótt leiða í hálfleik. Þróttur verið hættulegri en Grindvíkingar sýnt að þeir geti líka alveg verið hættulegir á breikinu. Fáum vonandi áframhaldandi skemmtun í seinni hálfleik en tökum okkur stutta pásu og snúum svo aftur með síðari hálfleikinn.

+1 Örn Bragi í þröngu færi en skóflar boltanum yfir.

Þróttarar að hóta öðru markinu og spila Sigurð Egil einan á móti Hjörvari Daða sem gerir frábærlega að loka á hann! Þróttarar ná frákastinu en Grindvíkingar verjast vel og koma boltanum burt.

Kári Kristjáns gerir ágætlega að koma sér í skotfæri en tilraunin er hátt yfir markið.

Sigurður Egill á skot beint í vegginn úr aukaspyrnunni. Boltanum rúllað létt til hans en tilraunin beint í vegginn.

Þróttur að fá aukaspyrnu á hættulegum stað þegar brotið er á Vilhjálmi Kaldal rétt fyrir utan vítateig hægra megin.

Fær boltann fyrir utan teig og lætur vaða gott skot með jörðinni sem Hjörvar Daði þarf að skutla sér á og slá framhjá.

Flott samspil milli Vilhjálms Kaldal og Kára Kristjáns inn á teig endar með skoti frá Kára sem fer framhjá markinu á fjær. Þarna var tækifæri!

Kári Kristjáns lyftir boltanum innfyrir í hlaup fyrir Vilhjálm Kaldal sem lætur vaða fyrir utan teig hátt yfir. Það var ekki mikil trú í þessari tilraun.

Kári Kristjáns með skot fyrir utan teig en Hjörvar Daði er með á lás.

Vilhjálmur Kaldal með tilraun sem fer framhjá markinu. Þróttur tekur innkast og Villi Kaldal fer inn á teig í þröngu færi og á tilraun sem fer framhjá markinu.

Aron Dagur er sestur og fær aðhlynningu. Vonandi ekkert alvarlegt og hann getur haldið leik áfram án vandræða.

Rafael Victor með lausan skalla að marki. Christian Bjarmi átti fínustu fyrirgjöf sem Aron Dagur mætti út í en greip í tómt. Grindavík hélt lífi í sókninni og komu með aðra fyrirgjöf sem Rafael Victor skallaði á markið.

Þróttarar að reyna spila sig í gegnum vörn Grindavíkur og vinna hornspyrnu.

Haraldur Björgvin með tilraun fyrir Grindavík sem endar úti á bílastæði.

Grindvíkingar aðeins að ógna þessa stundina. Halda vel í boltann og reyna að koma Rúnari Inga í færi en hann notar hendurnar of mikið að mati dómara í baráttu við varnarmenn Þróttara og er dæmdur brotlegur þegar hann reynir að leggja fyrir sig boltann.

Christian Bjarmi rennir boltanum inn á Rafael Victor í teignum sem er að fara í skotið þegar Baldur Hannes rennir sér fyrir skotið.

Vilhjálmur Kaldal reynir skot en það fer framhjá.

Grindvíkingar að leita af Rúnari Inga með löngum bolta en flaggið á loft.

Örn Bragi með stórhættulegan bolta fyrir markið beint í hættusvæðið en Grindvíkingar koma boltanum frá áður en hann ratar á Vilhjálm Kaldal. Frábært hlaup frá Erni Braga sem bjó sér til þessa stöðu vel.

Fínasta horn frá Grindavík ratar á fjær þar sem Damir skallar hann fyrir markið í eitthvað kraðak en Þróttarar verjast þessu vel.

Rúnar Ingi jarðar Brynjar Gaut inní teig Þróttara og vinnur horn. Brynjar Gautur fann vel fyrir þessu höggi.

Tveim hornspyrnum seinna eru Grindvíkingar mættir í skyndisókn en Þróttarar verjast því vel.

Sigurður Egill með flottan bolta fyrir markið og Vilhjálmur Kaldal á skalla að marki sem Hjörvar Daði slær í horn.

Þetta er farið af stað hér í Laugardalnum og það eru gestirnir frá Grindavík sem sparka okkur í gang.

Adam Ægir Pálsson, sem hefur leikið vel með Valsmönnum í upphafi tímabilsins, tók að sér það verkefni að spá í leiki umferðarinnar. Þróttur R. 3 - 0 Grindavík Þegar litli strákurinn minn hann Siggi er á svona eldi með einhver 10 mörk og assist í sumar vinnur Þróttur þetta 3-0. Mingus og Siggi með tvö þrátt fyrir það að vera helvíti hátt uppi þessa dagana.

Samkvæmt nýjum vef KSÍ hafa þessi lið mæst 48 sinnum í mótsleik á vegum KSÍ. Á síðustu leiktíð skiptu liðin með sér sigrunum en þau unnu bæði sína útileiki í fyrra. 18.maí 2025: Þróttur R. 2-4 Grindavík 25.Júlí 2025: Grindavík 1-2 Þróttur R. Grindavík hefur yfirhöndina þegar horft er til innbyrðisviðreigna síðustu ár en Grindvíkingar hafa 23 sinnum unnið. Þróttur R. hefur 19 sinnum unnið. Liðin hafa skilið jöfn 6 sinnum.

Þróttarar hafa verið að hiksta svolítið eftir frábæra byrjun á mótinu. Þróttur vann fyrstu þrjá leiki sína en hafa ekki sigrað í síðustu þrem leikjum sínum og tapað síðustu tveim í röð. Þróttur tapaði í síðustu umferð gegn Gróttu á Avis vellinum 2-3 og þeir vonast til þess að hrista úr sér hrollinn í kvöld og komast aftur á sigurbraut.

Grindvíkingar voru síðasta vígið til að falla í ósigur í síðustu umferð en þeir höfðu byrjað mótið taplausir í fyrstu fimm umferðunum með einn sigur og fjögur jafntefli. Afturelding sá hinsvegar til þess að fyrsti tapleikurinn kæmi í síðustu umferð þegar þeir lögðu Grindvíkinga 3-1 á Stakkavíkurvellinum. Grindvíkingar hafa skorað 7 mörk og fengið á sig 7 mörk og eru því sléttir á markatölu fyir kvöldið í kvöld. Aðeins Völsungur [4] og Njarðvík [6] hafa skorað minna og aðeins Njarðvík [6] hefur fengið færri mörk á sig.

Þriðja liðið í kvöld skipa Gunnar Oddur Hafliðason á flautunni og honum til aðstoðar verða Kristofer Bergmann og Sveinn Ingi Sigurjónsson Waage. Eftirlitsmaður KSÍ er Bergur Þór Steingrímsson.

Heil og sæl! Verið hjartanlega velkomin í þessa þráðbeinu textalýsingu frá Avis vellinum þar sem Þróttur R. og Grindavík eigast við til þess að loka 7. umferð Lengjudeild karla.