Mjög áhugaverðum leik lokið hér í Mosfellsbæ. Viðsnúningur hjá heimamönnum sem fara í undanúrslit í fyrsta skipti í sögu félagsins! Skýrsla og viðtöl væntanleg síðar í kvöld. Ég þakka fyrir mig.

Bart reynir skot frá miðju en hittir hann ekki vel.

5 mínútur í uppbótartíma. Ekki mikið lífsmark eftir í Stjörnunni.

Bart leikur listir sínar og kemur boltanum á Óðin sem kemur með boltann inn á teiginn en ekkert verður úr þessu.

Birnir setur boltann í höndina á Birki af stuttu færi en hún var alveg upp við líkamann og ekkert dæmt.

Afturelding leggst aftar á völlinn og Stjörnumenn í leit að einhverri líflínu en komast ekkert áleiðis.

Örvar Logi með skot í varnarmann og enn ein hornspyrna sem gestirnir fá.

Þeir þurfa mark sem allra fyrst til að halda lífi í þessu.

Stjörnumenn nú í leit að jöfnunarmarki eftir þennan löðrung frá heimamönnum.

Birnir Snær tekur fast skot fyrir utan teig Aftureldingar en yfir fer boltinn. Heimamenn hafa ekki enn farið yfir miðju í síðari hálfleik.

Birkir Már klobbar Örvar og stúkan ánægð með þann gamla.

Haukur Brink með vinstri fótar skot sem Arnar Daði ver.

Vel spilað hjá gestunum og Haukur setur boltann fyrir markið en Axel kemur þessu í horn.

Birnir með hornspyrnu inn á teiginn sem Arnar Daði grípur.

Guðmundur Baldvin með skot sem Arnar Daði ver fyrir fætur Emils sem tekur frákastið en Arnar nær að verja aftur. Besta færi Stjörnunnar í leiknum.

Stjarnan stenst pressu seinustu mínútna en annars heldur rólegum fyrri hálfleik lokið. Tökum okkur 15 mínútna hlé.

Afturelding á aukaspyrnu aftarlega á vallarhelmingi Stjörnunnar. Boltinn kemur inn á teiginn en ekkert verður úr þessu.

Stjarnan stenst þunga pressu þar sem Óðinn náði góðu skoti sem Damil henti sér fyrir og mikill darraðadans myndast í kjölfarið.

Axel Óskar með boltann á teiginn og aftur fá heimamenn dauðafæri! Nú var það Gunnar Bergmann sem setti boltann í stöngina af stuttu færi.

Axel Óskar með langt innkast inn á teiginn og boltinn endar hjá Jón Vigni sem er aleinn í miðjum teignum og tekur boltann á lofti viðstöðulaust í grasið og yfir markið. Langbesta færi leiksins!

Örvar fer harkalega í Gunnar Bergmann sem liggur eftir og fær aukaspyrnu en Twana sleppir að lyfta því gula.

10 mínútur eftir af fyrri hálfleik og við höfum í raun enn ekki fengið alvöru færi í leikinn að undanskildu markinu.

Twana hefur leyft leiknum að fljóta mikið og bæði lið með menn liggjandi og bekkirnir farnir að kvarta yfir meintum brotum.

Andri Rúnar er sestur og þarfnast aðhlynningar. Virðist vera þjáður aftan í lærinu sem er ekki gott.

Stjarnan heldur mikið í boltann og Afturelding er framarlega á velinum en samt ekki að pressa af neinum ákafa. Þetta hefur verið rólegt eftir markið.

Birnir snær á fleygiferð upp kantinn og laumar honum á Guðmund Baldvin sem nær ekki að koma boltanum á Emil og þriðja hornspyrna gestanna staðreynd.

Birnir Snær brýtur af sér og neglir síðan boltanum 70 metra í burtu en sleppur einhvern veginn án spjalds. Twana óvenju rólegur yfir þessu.

Guðmundur Baldvin með boltann á nærstöngina en boltanum hreinsað frá.

Andri Rúnar lúrir fyrir utan teig Mosfellinga og boltinn hrekkur á hann en skot hans fer yfir markið.

Gott spil hjá heimamönnum og Bjartur kom með góðan bolta á milli markmanns og varnar en engin rauð treyja í teignum.

Afturelding haldið mikið í boltann eftir markið.

Fyrsta hornspyrna leiksins er Stjörnunnar.

Hinum 41 árs gamla Birki Má er stillt upp á hægri kantinum og er hann strax byrjaður að ógna með hlaupum inn fyrir.

Hann virtist finna fyrir í mjöðminni í upphituninni og teymið hefur metið hann óleikfæran. Í stað hans kemur Heiðar Ægison.

Jökull og Maggi hafa valið liðin fyrir slag kvöldsins.

Stjörnumenn eru að endurheimta menn til baka fyrir leik kvöldsins en þeir Örvar Eggertsson, Benedikt Warén, Andri Rúnar Bjarnason og Heiðar Ægisson eru klárir í slaginn. Hins vegar taka Daníel Finns Matthíasson og Jóhann Árni Gunnarsson út leikbann.

Afturelding hefur aðeins einu sinni áður komist í 8-liða úrslit í bikarnum og var það einmitt í fyrra. Með sigri í dag verður það þá í fyrsta skipti sem Afturelding mun leika í undanúrslitum. Mikið í húfi fyrir Mosfellina sem ætla að tjalda öllu til fyrir leik.

Afturelding hóf leik einni umferð á undan Stjörnunni og byrjaði á 2-3 sigri gegn ÍR þar sem Joacim Holtan skoraði tvö mörk og Óðinn Bjarka eitt. Því næst var það Ýmir sem beið þeirra en sá leikur fór 6-1 þar sem Holtan skoraði aftur tvö mörk og Óðinn eitt en ásamt þeim voru Elmar Kári, Bart Kooistra og Róbert Agnar á skotskónum. Að lokum voru það Njarðvíkingar sem máttu þola 5-2 tap þar sem Óðinn skoraði í þriðja bikarleiknum í röð, Elmar Kári skoraði tvö mörk og Aron Elí og Bart Kooistra skoruðu einnig.

Stjarnan byrjaði á 2-1 sigri gegn Selfossi þar sem Emil Atlason setti bæði mörkin í síðari hálfleik en Einar Bjarki Einarsson minnkaði muninn á lokamínútum leiksins. Því næst var það sigur gegn KR, aftur 2-1 sigur, en sá leikur kom beint í kjölfar taps Stjörnunnar í deildinni gegn KR. Aftur skoraði Emil Atlason bæði mörk Stjörnunnar, nú bæði í fyrri hálfleik.

Twana Khalid Ahmed fær traustið og er dómari leiksins, honum til halds og trausts eru Gylfi Már Sigurðsson og Egill Guðvarður Guðlaugsson sem aðstoðardómarar og fjórði dómari er Elías Ingi Árnason. Dómaraeftirlitsmaður er enginn annar en Halldór Breiðfjörð Jóhannsson.

Velkomin í textalýsingu fyrir leik Aftureldingar og Stjörnunnar í 8-liða úrslitum Mjólkubikars karla sem fer fram á Malbikastöðinni að Varmá. Sigurvegari kvöldsins verður fyrsta liðið til þess að tryggja sig inn í undanúrslitin.