Grindvíkingar svo nálægt því að jafna metin en allt kom fyrir ekki! geta verið virkilega ósáttir með tap hér í dag.
Skýrsla og viðtöl væntanleg.
Takk fyrir mig.

Ólafur grípur fyrirgjöf og þetta virðist vera að fjara út.

VAR BOLTINN EKKI INNI?

Frábær hornspyrna inn á teiginn en Arnar Númi bjargar á línu og Grinavík fær einnig frákastið en einhvern veginn fer boltinn fram hjá markinu.

Ótrúlegt að þessi hafi ekki farið inn.

Fjórar mínútur í uppbót.

Fylkismenn hafa nú fengið fjórar hornspyrnur í röð.

Myndast darraðadans inni á teig Grindavíkur sem endar með skoti frá Orra sem fer í varnarmann og Fylkir fær enn eina hornspyrnuna.

Eyþór Wöhler með góðan sprett og nælir í hornspyrnu. Fylkismenn virðast vera að sigla þessu heim.

Tíu mínútur eftir af þessum leik.

Haraldur vinnur boltann og lætur bara vaða af 30 metra færi en boltinn fer framhjá.

Fylkismenn hreinsa en heimamenn vinna boltann aftur og Haraldur endar á að taka laust skot beint á Ólaf úr afbragðsstöðu.

Grindvíkingar hafa verið mun sterkari aðilinn seinustu 15 mínútur.

Grindavík fær hornspyrnu sem Lárus Orri undirbýr sig að taka.

Frábær aukaspyrna hjá Lárusi af löngu færi en Ólafur ver listilega vel.

Góð skyndisókn Grindavíkur sem endar með góðri sendingu frá Eysteini á Inga sem skýtur í hausinn á Ólafi og aftur fyrir endamörk.

Lárus Orri tekur aukaspyrnuna og kemur með frábæran bolta inn á teiginn sem Rafel skallar yfir.

Loksins kemur Heiðar Snær aftur inn á völlinn. Var látinn bíða utan vallar í dágóðan tíma eftir að hafa fengið aðhlynningu, nýja reglan að láta ljós sitt skína.

Heiðar Snær fer upp í skallabolta inni í teig Fylkis en Ólafur nær til boltans og síðan aðeins í Heiðar og heimamenn æfir yfir því að fá ekki víaspyrnu.

Heiðar liggur eftir og fær aðhlynningu.

Arnór Breki stoppar snöggt upphlaup heimamann með því að fara á hestbak á Inga en einhvern veginn sleppur án spjalds.

Arnór Breki með góða spyrnu inn á teiginn en enginn Fylkismaður nær til boltans og boltinn fer aftur fyrir endamörk.

Aðeins betra frá Grindvíkingum sem ná í fyrsta sinn í leiknum að halda smá pressu á Fylki á efsta þriðjungi vallarins.

Grindvíkingar ekkert að reyna að spila út frá marki og negla þessu bara fram völlinn.

Helgi Mikael flautar mjög bragðdaufan fyrri hálfleik af.

15 mínútna hlé sem við tökum okkur.

Skalli hjá Fylkismönnum eftir hornspyrnu sem Hjörvar ver þó nokkuð þægilega.

Góð fyrirgjöf frá Theodóri sem Damir nær að hreinsa í horn en Dagur var í frábærri stöðu fyrir aftan hann.

Nikulás Val með góðan skalla sem Hjörvar ver vel aftur fyrir.

Misheppnuð sending frá Tuma sem leiðir að misskilning í vörninni og hornspyrna heimamanna er niðurstaðan.

Fylkismenn hafa heilt yfir verið sterkari aðilinn en hafa ekki náð að skapa sér neitt alvöru marktækifæri enn. Grindvíkingar hafa átt eina skottilraun en það var laust skot fyrir utan teiginn.

Önnur hornspyrna Fylkismanna í leiknum tekin af Mána, góð spyrna en Grindvíkingar koma þessu í burtu.

Tapaður bolti á miðjunni hjá Fylki og Grindavíkurmenn keyra hratt og Mikael tekur laust skot á nærstöngina sem Ólafur er með í teskeið.

Guðmundur Tyrfings nær mjög lúmsku skoti eftir að hafa verið að falla um sjálfan sig en boltinn fer framhjá.

Máni með spyrnuna sem fer í vegginn og leikur til Hjörvars í markinu.

Fylkismenn fá aukaspyrnu á stórhættulegum stað. Damir brýtur á Degi í miðjum teigsboganum.

Sindri brýtur á Guðmundi og Fylkir fær aukaspyrnu í góðri fyrirgjafastöðu.

Fylkismenn halda áfram að byrja þennan leik af krafti og Guðmundur kemur boltanum á Mána sem á skot fram hjá markinu.

Fylkismenn í góðri sókn og halda þungri pressu á heimamönnum. Endar með skoti frá Guðmundi Tyrfings sem fer í varnarmann og fyrsta hornspyrna leiksins er gestanna.

Þetta er farið af stað!

Ég sit hér í fjölmiðlaboxinu á Stakkavíkurvelli þar sem tveir góðir menn lýsa leiknum í beinni á Livey, það eru þeir Guðjón Þorsteinsson og Daði Berg Jónsson, leikmaður Víkings.

Hér í Grindavík eru 13 gráður og skýjað. Það eru um 6 m/s og því létt gola en ekkert til að hafa áhyggjur af. Grasið lítur nokkuð vel út og allt til alls á þjóðhátíðardegi okkar Íslendinga.

Grindvíkingar koma kaldir inn í þennan leik eftir tvo tapleiki í röð í deildinni en þeir hafa aðeins sótt sjö stig í fyrstu sjö leikjum sínum í Lengjudeildinni. Liðið er í 9. sæti en aðeins á markatölu en Ægir og ÍR eru einnig með sjö stig í 10. og 11. sæti. Ljóst er að Grindavík þarf því á stigum að halda hér á heimavelli í dag.

Árbæingar sitja eins og er í 3. sæti Lengjudeildarinnar eftir 8 leiki og hafa þeir sótt í þeim 15 stig. Þeir hafa þó tapað seinustu tveimur leikjum í deildinni en í síðasta leik liðsins unnu þeir Gróttu í 8-liða úrslitum Mjólkurbikarsins og mæta þar Aftureldingu í undanúrslitum.

Helgi Mikael Jónasson er dómari leiksins og honum til halds og trausts sem aðstoðardómarar eru þeir Antoníus Bjarki Halldórsson og Arnþór Helgi Gíslason.

Komið sæl og blessuð og verið verið velkomin í beina textalýsingu fyrir leik Gridavíkur og Fylkis á Stakkavíkurvelli á þjóðhátíðardegi okkar Íslendinga.