Ég segi bara takk! Viðtöl og skýrsla koma seinna í kvöld!

Þvílíka skotið frá Sigurði!! Tekur hann í volley en Ólafur rétt nær að verja þetta út! Eftir hornið nær Eiríkur Beck að verja á línu!! Annað horn!!

5 mínútur í uppbótartíma

Arnór Sölvi ekki langt frá því að jafna, en hann dettur um boltann inn í teignum

Þessi var ekki langt frá því að svífa inn

Þeir ná ekki að nýta það

ÍR var í dauðafæri fyrir þetta gula spjald, komust í skyndisókn. Orri fær fyrirgjöfina en skýtur boltan hreinlega framhjá

Davíð ekki par sáttur við afskiptasemi bekkjar Leiknis. Hrafn þurfti að fara útaf með blóðnasir. Fær pappír frá bekknum og fer inná og Leiknismenn mótmæla. Davíð hreinlega öskrar á þá og segir þeim að grjóthalda kjafti!

Boltinn skallaður frá af ÍR-ingum. Leiknismenn ná þó að halda boltanum og gera aðra fyrirgjöf. Varnarmaður ÍR ætlar að láta boltann renna í markspyrnu en fer með tánna í hann. Annað horn, en Leiknismenn ná ekki að nýta þetta.

Búnir að pressa mikið. Menn mikið að tuða í markmannsteignum og Twana flautar á þá og segir þeim að hætta að tuða! Boltinn flýgur á Axel Frey, kjörið tækifæri fyrir hann að koma heimamönnum yfir en hann hittir hann ekki nægilega vel og boltinn flýgur yfir

Úfffff, þarna var Ágúst nálægt því að bæta öðru marki við! Frábær sending frá Guðjóni sem rennur honum á Ágúst. Hann reynir síðan skotið hægra megin í vítateig ÍR, en boltinn fer í stöngina og út í markspyrnu

Þarna munaði mjóu! Axel sendir fyrir á Dag sem tekur skotið í fyrsta. Boltinn fer síðan af Hrafni og út í horn. Shkelzen sendir boltann á Marko sem skallar honum útaf

Lítið að gerast seinustu 5.

Mislukkuð sending frá Shkelzen, hann fær boltann aftur, en mislukkuð sending. Mikil pressa eftir þetta í teig ÍR og Leiknismenn klára þetta með löngu skoti utan af teig en Vilhelm grípur þetta auðveldlega

Sólin aðeins búin að hverfa bakvið skýin, sem er gott fyrir mig, því nú sé ég almennilega á völlinn!

Dauðafæri fyrir ÍR! Bergvin nær boltanum af Marko , sendir á mér sýnist Hákon sem sendir hann fyrir á Emil. Reynir skotið en frábærlega varið hjá Ólafi

Shkelzen leitar inn í teig, ÍR hreinsar og Djorde með þvílíkan þrumufleyg sem fer í varnarmann og út

Leiknismenn með langt innkast inn í teig. Boltanum er skallað upp í loft og Vilhelm grípur hann

Ég vil fá meira spennandi leik eftir þennan fyrri hálfleik!

Skrýtið mark sem skilur liðin af. Smá fætingur líka í fyrri sem maður bjóst við svo sem.

Horn fyrir Leikni, Rúrik tekur hana, en ÍR hreinsar

Twana bætti einhverju við, guð má vita hvað það var

Slakt horn hjá Leikni. Vilhelm grípur hann vel og nær aftur langri sendingu á Bergvin. Hann og Eiríkur kljást afutr um boltann en Óli grípur hann

Mjöööög mikill hiti kominn í leikinn og leikmenn fara hreinlega að slást aðeins! Bergvin og Eiríkur byrja þetta

Vilhelm með frábæra markspyrnu! Bergvin eltir uppi boltann en boltinn fer af varnarmanni og út.

Mislukkað aftur hjá þeim. Shkelzen fær boltann stuttu eftir spyrnuna. Hann reynir lágt skot utan af teig en ekkert vandamál fyrir Ólaf

Víðir liggur eftir og nuddar á sér kálfann. Honum vantar aðhlynningu og Twana stöðvar leikinn. Hann virðist ætla að halda áfram

ÍR-ingar vaknaðir eftir þetta heppnismark!

Axel Freyr brjálaður út í Twana eftir að hafa verið tekinn niður, en Twana lætur leikinn rúlla

Held svei mér þá að þetta sé fimmta horn þeirra. Þeir ná ekkert að nýta þetta þó

Emil tekur spyrnuna, en boltinn fer á kollin á Hrafn og útaf

Bergvin heldur í varnarmann Leiknis og Twana dæmir aukaspyrnu fyrir Leikni

Þeir missa hann aðeins frá sér. Ná boltanum svo nokkru seinna inn í teig þar sem liðin stíga smá darraðardans og boltinn fer í fjórða horn Leiknismanna! Vilhelm nær þó að kýla þennan frá!

Shkelzen fékk boltann hægra megin við teiginn, reynir skotið en hann fer af varnarmanni og út. Shkelzen nær þó ekki að nýta þessa hornspyrnu vel og ÍR hreinsar

Kári Steinn með flott skot eftir skyndisókn en virðist vera að það sé brotið á honum. Twana segir nei og dæmir bara horn. Rúrik fær boltann eftir stutt spil og reynir sendingu í teiginn, en boltinn er auðveldur fyrir Vilhelm

Axel Freyr aðeins of seinn í boltann. Fer harkalega í Kristján Atla

Lítið að gerast fyrstu 5 mínútúr leiksins

Góða skemmtun!

Elvis á fóninum og liðin eru að labba inn á völl! Sá mikli meistari Elvar Magnússon er vallarþulur dagsins og gerir það af algerri fagmennsku!

Sólin að reyna brjótast inn hérna í gegnum skýin, rúmar 10° gráður hérna. Stutt í þessa veislu!

Tvær breytingar á Leiknisliðinu í dag! Marko Veselinovic og Anton Fannar Kjartansson eru kominir aftur eftir að hafa verið í eins leikja banni, Inn fyrir ÍR koma Sigurður Karl Gunnarsson og Óliver Elís Hlynsson

Alexander Rafn Pálmason var fenginn til að spá í 11. umferðina í Lengjudeildinni, en hann er á leiðinni til Nordsjælland frá KR í júlí! Þetta hafði kappinn að segja um leikinn! Leiknir 3 - 2 ÍR (19:15 í kvöld) Þetta verður rosalegur leikur alvöru hiti jafnvel 1 eða 2 rauð en Leiknir tekur þetta last minute, Jon Arnar setur eitt frá 30 metrum fyrir ÍR inga en það er bara ekki nóg.

Fyrsta viðureign þessara liða sem ég finn á KSÍ er á því herrans ári 1996, en þessi lið hafa 120% mætt hvoru öðru oftar fyrir þann tíma. Ef einhver er fróðari um það má sá hinn sami endilega senda mér skilaboð um það! Ég hefði mikið gaman að læra um það! En allaveganna! Fyrsti leikurinn 1996 fór 2-3 fyrir ÍR í 2. deild karla, en þar lentu ÍR í 7. sæti og Leiknir á botninum í 10. sæti. Leiknismenn hafa sigrað 16 af þessum leikjum, ÍR sigrað 14 sinnum, og liðin skilið jöfn að 7 sinnum.

Dómari leiksins er enginn annar en Twana Khalid Ahmed! Honum til halds og trausts verða Kári Mímisson og Óliver Thanh Tung Vú. Dóamraeftirlitsmaður verður Oddur Helgi Guðmundsson.

ÍR situr fyrir neðan Leikni, þá í 9. sæti með 11 stig eftir 10 umferðir. Þeir hafa sigrað þrjá leiki (Aftureldingu, HK og Gróttu), gert tvö jafntefli (Grindavík og Völsung) og tapað fimm leikjum (Þrótti, Fylki, Ægi, Vestra og Njarðvík). Í seinustu fimm leikjum hafa þeir aðeins unnið einn leik, gert eitt jafntefli og tapað þremur. ÍR hefur skorað þriðju mest mörkin af liðunum í deildinni, en ÍR hefur skorað 22 mörk. Víðir Freyr Ívarsson hefur verið afkastamestur, en hann hefur skorað fimm, og þrjú af þeim komu í seinustu tveimur leikjum.

Leiknismenn sitja eins og er í 6. sæti með 15 stig eftir 10 umferðir. Þeir hafa sigrað fjóra (Gróttu, HK, Ægi og Vestra), gert þrjú jafntefli (Völsung, Þrótt og Grindavík) og tapað þremur (Aftureldingu, Fylki og Njarðvík). Í seinustu fimm leikjum hafa þeir tapað tvemur og sigrað þrjá, en í seinasta leik töpuðu þeir naumt gegn Njarðvík á útivelli. Helstu markaskorar Leiknis í deildinni eru Shkelzen Veseli og Dagur Ingi Hammer, en þeir hafa báðir skorað þrjú mörk sem gera helming marka Leiknis í sumar.

Góðann daginn og verið hjartanlega velkomin á Leiknisvöll, þar sem nágrannaliðin Leiknir og ÍR munu mætast í sannkölluðum nágrannaslag í 11. umferð Lengjudeildarinnar!