Við fengum Helgu Rut Einarsdóttur, fyrirliða U19 landsliðs kvenna, til að spá í spilin fyrir umferðina. Helga er þessa stundina í Bosníu á lokakeppni Evrópumótsins með U19. Keflavík 1 - 2 Fram Fram búnir að vera a góðu runni og taka þennan leik. Sigurjón Rúnarsson skorar með góðum skalla!

Þessi lið hafa marga fjöruna sopið saman og vilja Keflvíkingar sennilega sem minnst muna eftir leik liðana í lokaumferðinni 2008 þegar Fram stal undan Keflvíkingum Íslandsmeistaratitlinum með 1-2 sigri sem varð til þess að FH urðu Íslandsmeistarar það ár. Þessi lið hafa mæst x sinnum.

Keflavík hefur komið skemmtilega á óvart á tímabilinu og verið mun beittari en flestir héldu fyrir mót. Keflavík hefur verið að tengja saman góðar frammistöður og sótt flott úrslit þar sem af er tímabils og sitja í 7. sæti deildarinnar með 15 stig en geta með sigri lyft sér upp í efri hluta deildarinnar. Eftir að hafa aðeins misst dampinn og tapað gegn ÍBV og FH hafa Keflvíkingar verið að finna gott form og sóttu gott stig á Hlíðarenda og unnu frábæran sigur á KR í síðustu umferð 3-2 en það var jafnframt þeirra fyrsti sigur á KR í 18 ár.

Fram hafa átt magnað tímabil til þessa og geta með sigri í kvöld jafnað KR af stigum í 2. sæti deildarinnar og eiga að auki leik til góða til þess að komast átta stigum frá Víkingum á toppi deildarinnar. Frammarar hafa unnið fjóra af síðustu fimm leikjum sínum en eini tapleikur liðsins kom gegn toppliði Víkinga. Í síðustu umferð unnu Frammarar góðan 0-2 útisigur á ÍA þar sem Atli Þór Jónasson skoraði bæði mörkin en hann er markahæsti leikmaður Fram í deildinni með sjö mörk.

x

Leikur Keflavíkur og Fram lokar 13. umferð Bestu deild karla. Umferðin hefur farið svona fram: Þór Ak. 3-3 KR Víkingur 3-2 KA FH 2-2 Stjarnan ÍA - Breiðablik ÍBV - Valur

Heil og sæl og verið hjartanlega velkomin í þessa þráðbeinu textalýsingu frá HS Orku vellinum í Keflavík þar sem heimamenn í Keflavík taka á mót Fram í Bestu deild karla.