Lokatölur í fyrsta leik í einvígi Vestra og Qarabag í forkeppni Evrópudeildarinnar er 3-0 sigur Qarabag. Skýrsla og viðtöl væntanleg seinna í dag, ég þakka fyrir mig.

Renaldo Cephas sendir boltann fyrir við endamörkin sem fer í Guðmund Pál og í andlitið á Marvin í markinu. Þessi hefði getað endað í markinu!

Seinni hálfleikurinn hefur verið rólegur, lítið um færi og stóra sénsa. Það er að mestu sama sagan Qarabag halda boltanum meira en Vestri og Vestri reyna að sækja hratt.

Cafu er komin inn á, gott fyrir Vestra.

Cafu Phete liggur og þarf aðhlynningu, það síðasta sem Vestramenn þurfa er annar lykilmaður af velli í meiðsli. Vonum að það sé í lagi með Cafu.

Vestri í góðri sókn sem endar á hættulegu skoti frá Edson sem breytti aðeins um stefnu á leiðinni að marki og Mateusz Kochalski markmaður Qarabag rétt nær að koma líkamanu fyrir þetta.

Kady á hættulegt skot að marki á vítarteigshorninu, skotið er gott í fjærhornið en Marvin ver frábærlega frá honum.

Qarabag í góðri stöðu sem endar á skoti sem Marvin ver. Eftir á er dæmd rangstæða á Qarabag.

Guðmundur Arnar sendir góðan bolta fyrir mark Qarabag en bæði Breki og Þórður ná ekki að koma fæti í boltann.

Seinni hálfleikur fer rólega af stað.

Qarabag 79% með boltann í fyrri hálfleik og eiga tvö skot á markið sem bæði enduðu með marki. Vestri reyna að verja markið og hafa gert það vel á köflum.

Rólegt yfir leiknum um þessar mundir, Qarabag halda boltanum töluvert meira og Vestri reyna að sækja hratt.

Kady með fast skot yfir í álitlegri stöðu.

Breki Þór tekur langt innkast inn á teig Qarabag sem Qarabag hreinsa frá.

Smá töf á leiknum, sýnist Bruno Langa vistri bakvörður Qarabag liggur og fær aðhlynningu.

Marko Jankovic á skot á vítateigslínunni sem er langt yfir.

Zakaria Sawo framherji Qarabag kemst í stórhættulegt skallafæri og skallar yfir.

Breki Þór á fyrstu tilraun Vestra úr aukaspyrnu, hans skot fór í varnarmann Qarabag.

Qarabag á fyrstu hornspyrnu leiksins, sem þeir nýta sér ekki.

Marko Jankovic tekur aukaspyrnuna og hittir ekki markið.

Streymið er ennþá niðri því miður.

Það styttist í að leikurinn fari af stað, lýsandi er að treysta á streymi frá CBS sports í dag. Streymið liggur niðri þessa stundina, en vonandi dettur það inn sem fyrst!

Byrjunarlið fyrir fyrsta Evrópuleik í sögu Vestra er komið í loftið og helstu tíðindi hjá Vestra eru þau að, fyrirliðinn Elmar Atli Garðarsson kemur inn í liðið ásamt þeim Gunnari Jónasi Haukssyni, Ibrahima Balde og Sergine Fall. Chriss-Albin Mörfelt, Emmanuel Duah, Guðmundur Páll Einarsson og Jacob Stensson taka sér sæti á bekknum.

Samkvæmt samfélagsmiðlum Qarabag er von á 20.500 stuðningsmönnum Qarabag á völlinn í dag og samkvæmt samfélagsmiðlum Vestra eru 16 stuðningsmenn þeirra mættir til Bakú.

Undanfarnar vikur hefur lið Qarabag verið að æfa og spila í Austurríki. Liðið hefur spilað þrjá leiki á undirbúningstímabili sínu. Fernecváros 1-0 Qarabag Qarabag 2-6 FC Kharkiv Triol 0-4 Qarabag Eins og áður var skrifað hafa Qarabag verið duglegir á félagsskiptamarkaðnum, Qarabag hafa sótt 8 leikmenn og 7 leikmenn hafa farið frá félaginu, af þessum 8 sem hafa farið frá félaginu má segja að tveir þeirra séu algjörir lykilmenn og þeir eru Leandro Andrade sem hefur verið einn besti leikmaður Qarabag síðustu ár og Kevin Medina miðvörður sem hefur spilað hjá liðinu síðustu 6 ár. Nýjar fréttir af leikmannamálum Qarabag eru þær að Camilo Duran framherji þeirra er líklega á leið til Celtic í Skotlandi, Duran skoraði 15 mörk á síðasta tímabili.

Fatai Gbadamosi miðjumaður Vestra verður í leikmannahópi liðsins gegn Qarabag, hann er ekki orðin spilfær, að hann sé komin í leikmannahóp Vestra eru frábærar fréttir fyrir liðið. Fatai var frábær á síðasta tímabili í Bestu deildinni með Vestra en varð fyrir því óláni að slíta krossband seinni hluta tímabilsins. Fatai var valin leikmaður tímabilsins hjá Vestra og íþróttamaður Ísafjarðarbæjar í fyrra.

Elmar Atli Garðarsson fyrirliði Vestra sat á bekknum gegn Grindavík í síðustu umferð Lengjudeildarinnar, eftir leikinn var hann spurður út í komandi leik gegn Qarabag. ,,Það verður hrikalega gaman og spennandi að fá að spila við svona stórt lið. Maður er ekki alveg búinn að leyfa sér að verða spenntur fyrir þessu fyrr en kannski núna". ,,Við þurfum að eiga okkar allra besta dag og sennilega vera svolítið heppnir líka til að ná að keyra þetta í gegn. Við förum þangað brattir og pressulausir þannig að það verður bara stuð". Samúel Samúelsson meðstjórnandi í stjórn fótboltadeildar Vestra var einnig í áhugaverðu viðtali við Fótbolta.net.

Bikarmeistarar Vestra eru að fara í sitt fyrsta Evrópu ævintýri í sögu félagsins og byrja það á virkilega sterkum andstæðing. Liðið varð Mjólkurbikarsmeistari á síðasta tímabili eftir að hafa unnið Val í æsispennandi leik á Laugardalsvelli. Liðið spilaði þá í Bestu deildinni, en í dag spilar liðið í Lengjudeildinni og er komið í hóp fárra liða til að spila í Evrópukeppni í næst efstu deild. Vestramenn sitja í 4. sæti Lengjudeildarinnar með 21 stig. Vestri byrjuðu tímabilið höktandi og áttu erfitt með að tengja saman sigra og frammistöður. Eftir því sem hefur liðið á sumar þá hafa sigrar og góðar frammistöður dottið inn og Vestramenn eru í ágætis gír. Liðið hefur gert tvö jafntefli í röð gegn Þrótti og Grindavík en fyrir það unnu þeir tvo leiki. Ibrahima Balde er markahæsti leikmaður liðsins á tímabilinu með 4 mörk.

Qarabag ætti að vera fótbolta áhugamönnum vel kunnugt, liðið hefur marg oft spilað í Evrópukeppnum UEFA og nú síðast í Meistardeild Evrópu þar sem þeir fóru í umspil um að komast í 16. liða úrslit. Qarabag er lang stærsta lið Aserbísjan, liðið hefur unnið efstu deild í Aserbísjan 12 sinnum og bikarinn 8 sinnum. Í fyrra endaði liðið í 2. sæti asersku deildinni. Liðið hefur verið virkt á leikmanna markaðnum undarfarnar vikur og styrkt sig mikið, á móti kemur hafa þeir misst stóra pósta. Ef allt er eðlilegt þá ætti þetta einvígi að vera nokkuð auðvelt fyrir Qarabag. Þjálfari Qarabag heitir Qurban Qurbanov og hefur stýrt liðinu frá árinu 2008, eða í um 18 ár. Undirritaður vill fullyrða að hann sé líklega á meðal þriggja lengst starfandi þjálfara hjá sama liði í Evrópu.

Dómari leiksins í dag er Roman Jitari honum til halds og trausts eru þeir Vlad Lifciu og Vadim Vicol. Fjórði dómari er Andrei Breguta. VAR dómarar dagsins koma frá Sviss og heita Luca Cibelli og Anojen Kanagasingam.

Góðan daginn kæra fólk og verið hjartanlega velkomin í þessa beinu textalýsingu á leik Qarabag og Vestra í forkeppni Evrópudeildarinnar. Leikurinn fer fram á, Tofiq Bahramov vellinum í Baku, völlurinn tekur 31.850 manns í sæti og er þjóðarleikvangur Aserbaídsjan.