Sæbjörn Þór Þórbergsson Steinke @saebjornth

- Meðalaldur 27 ár

- Meðalaldur 24 ár

Hvað réði úrslitum? Leikurinn var kaflaskiptur, hann var í þokkalegu jafnvægi til að byrja með en Víkingar bönkuðu á lokakafla fyrri hálfleiksins. Seinni hálfleikurinn fór nokkuð rólega af stað, Víkingar aðeins ofan á, en eftir um hálftíma leik í seinni hálfleik tóku heimamenn yfir og augnablikið hélst með þeim í um það bil korter og það skilaði tveimur mörkum. Það reyndist nóg til að siga sigrinum heim. Bestu leikmenn 1. Gyrðir Hrafn Guðbrandsson Eiginlega fullkomin frumraun. Leysti þrjár stöður og skilaði frábæru dagsverki. Nafnið hans var komið í þetta box áður en hann skoraði annað mark Þórs. 2. Aron Einar Gunnarsson Aron Einar kom virkilega vel inn í lið Þórs og talandinn í liðinu með hann inn á er allt annar. Hann var að stýra mönnum út um allan völl og hafði góð áhrif á liðsfélagana. Einar Freyr, Ágúst Eðvald og Aron Birkir fá líka að vera nefndir hér. Atvikið Markið hans Gyrðis, frábært horn frá Einari og Gyrðir stangaði boltann í netið í fyrsta leik sínum. Staðan þarna orðin 2-0 og sigurinn nánast innsiglaður.

Hvað þýða úrslitin? Fyrsta tap Víkings í deildinni á tímabilinu staðreynd og fyrsti sigur Þórs síðan í þriðju umferð. Þór jafnar FH í stigafjölda en er enn í botnsætinu og liðin fyrir ofan eiga leik til góða. Víkingur er áfram með gott forskot á toppnum. Næst hjá Víkingi er leikur gegn ísraelsku meisturunum á þriðjudag og Þór heimsækir næst KA í nágrannaslag annan mánudag. Vondur dagur Þetta var ekki sama Víkingsliðið sem við erum vön að sjá á þessu tímabili. Þeir eru góðir í fótbolta og geta nokkuð auðveldlega komið sér í stöður, en mér fannst þeir á engum tímapunkti ná að þrýsta Þórsarunum alveg niður í lengri tíma eins og þeir eiga til þegar þeir eru í leit að marki. Mögulega eitthvað ákefðarleysi eða hugarfarslegs eðlis eftir sigur í Evrópueinvígi. Aron Elís fær að vera leikmaðurinn í þessu boxi, hefur eiginlega alltaf verið sýnilegri en í dag. Dómarinn - 6 Twana var heilt yfir fínn fannst mér, algjörlega óþarfa spjald samt á Ágúst Eðvald sem fer í bann fyrir að vera aðeins ósáttur með innkastsdóm. Burtséð frá því hver spjaldastaða hans er þá var þetta aldrei gult, Twana heyrði eitthvað orð og reif strax upp spjald. Víkingur vildi fá tvær vítaspyrnur, ég held að atvikið þar sem boltinn fer í Affi sé ekki hendi-víti og svo er atvik þar sem gestirnir tala um að Sveinn Gísli eigi að fá víti en ég hreinlega missti af því atviki og get ekki dæmt um það.

- Meðalaldur 27 ár

- Meðalaldur 26 ár