Grannaslagur KA og Þórs endar 0-0! Viðtöl og umfjöllun koma von bráðar!

Klippir inn á vinstri fótinn og er kominn í frábært skotfæri inná teig Þórs, en Yann Emmanuel Affi blokkar skotið í fangið á Aroni!

Fjórar mínútur!

Jakob Snær fær boltann úti vinstra megin og veður að vítateig Þórs. Þar klippir hann inn á vinstri fótinn og reynir skot, en það fer himinhátt yfir.

KA menn fá hornspyrnu.

Þórsarar hafa verið líklegri síðustu mínútur. Fáum við sigurmark á lokamínútunum?

Breki Hólm missir boltann undir sig og Atli freistar þess að setja boltann í fyrsta framhjá/yfir Ívar, en hann hittir boltann afleitlega!

Þórsarar fá aukaspyrnu eiginlega út við hornfánann vinstra megin.

Gyrðir rís hæst í teig KA, en skallinn er hátt yfir.

Spænir sig upp hægri kantinn og freistar þess að lauma boltanum inn á nærstönginni úr þröngu færi, en setur hann í hliðarnetið.

Atli Sigurjónsson er fljótur að minna á vinstri fótinn sinn þegar hann setur boltann inná teig KA, en skalli Sigfúsar er laus og beint á Ívar.

Victor Bertomeu sest í grasið og þarf á töfrum sjúkraþjálfara að halda.

Danijel Djuric á ágætis sprett en skot hans er slakt.

Ekkert kemur úr spyrnu Einars Freys og KA menn hefja nú sókn.

Adam Ægir er nálægt því að setja Jakob Héðinn í gegn, en Affi er vel með á nótunum.

Jakob Snær var á þrjóskuspretti upp vinstri kantinn þegar að Yann Emmanuel Affi stoppaði Jakob. Samstuðið slasaði Affi lítillega, en hann er nú staðinn á fætur og getur haldið leik áfram.

Danijel Djuric kemur boltanum á Hallgrím stuttu fyrir utan teig Þórsara og Hallgrímur reynir skot. Það er laust og beint á Aron í markinu.

Fannar Daði vinnur boltann fyrir utan teig KA eftir glæfralega sendingu Hans Viktors, en skot Fannars í kjölfarið fer seint í sögubækurnar sem hans besta.

Danijel Djuric fellur inná teig Þórs eftir baráttu við Gyrði. Ekkert í því.

Victor Bertomeu kemur þessu aftur af stað.

Spennuþrunginn fyrri hálfleikur að baki! KA menn hafa skapað sér talsvert hættulegri stöður hingað til, en leikur Þórsara óx eftir því sem að á hálfleikinn leið og nú fá þeir tækifæri til þess að ráða ráðum sínum. Við hljótum að fá mörk í þennan leik. Sjáumst eftir nokkrar!

Ein mínúta!

Sigfús Fannar ákveður að láta vaða af löngu færi og Ívar Arnbro slær boltann til hliðar áður en honum er dúndrað í innkast.

Öskrar duglega á fjóra dómarann í dágóða stund. Veit ekki hvort að það hafi verið vegna þess að honum hafi fundist Andre Römer eiga að fá spjald fyrir býsna saklaust brot á vallarhelmingi Þórs.

Guðjón Ernir sendir boltann þvert inná Jakob Snæ sem að fær boltann rétt fyrir utan teig Þórs. Hann tvínónar nákvæmlega ekkert við hlutina og hamrar boltanum í þverslá!

Jakob Héðinn gerir virkilega vel í að stýra boltanum til Hallgríms með mann í bakinu og kemur sér svo inná teig Þórs. Hallgrímur finnur hann í hlaupi á nærstönginni og Jakob nær skoti að marki Þórs en Aron Birkir er vel vakandi og ver skot Jakobs.

Kári Gautason kominn í glimrandi fyrirgjafarstöðu eftir undirbúning Danijel Djuric, en fyrirgjöfin er í slakari kantinum. Illa farið með góða stöðu.

Lítið skeð síðustu mínútur, en ekkert vantar uppá baráttuna.

Þórsarar reyna að koma sér meira inn í þennan leik, en hann hefur hingað til verið eign KA.

Kári Gautason gerir virkilega vel í að koma boltanum upp völlinn. Adam Ægir kemur boltanum síðan inn fyrir á Jakob, en hann hittir boltann illa og Aron Birkir ver auðveldlega í marki Þórs.

Fær boltann úti á hægri kantinum og hamrar boltanum lágum fyrir markið. Fyrirgjöfin hreinlega grátbað um eina KA tá til að stýra boltanum að marki, en Þórsarar bjarga í horn!

Kristófer Kristjánsson tekur Adam Ægi niður úti á hægri kantinum og hávær köll eftir spjaldi koma úr stúkunni, en Kristófer sleppur með skrekkinn.

Kristófer Kristjánsson prjónar sig inn af vinstri kantinum af miklu harðfylgi, en nær ekki góðu skoti.

Danijel Djuric og Hallgrímur Mar eiga flottan samleik inná miðjum vallarhelmingi Þórs áður en Djuric kemur boltanum út á Adam Ægi. Hann á nokkuð hættulega fyrirgjöf inná teig gestanna, en Jakob Héðinn nær ekki til boltans.

KA menn fá aðra hornspyrnu eftir langskot Hans Viktors.

Ekkert kemur úr henni og Þórsarar eiga markspyrnu.

Hallgrímur Mar sleppur inn fyrir vörn Þórs og Kristófer Kristjánsson rennir sér fyrir Hallgrím sem að fellur við. Kristófer kemur aldrei við hann og því hárrétt hjá Þórði að sleppa þessu.

Heimamenn hefðu hæglega getað byrjað þennan leik á besta mögulega hátt, en nú reyna Þórsarar að ná fótfestu.

Guðjón Ernir á flottan bolta inn fyrir vörn Þórsara og Jakob Héðinn veður í átt að marki, en í stað þess að reyna skotið sjálfur þá setur hann boltann þvert fyrir markið þar sem að enginn KA maður er.

Stuttu síðar fá KA horn eftir skot Djuric!

Þetta er komið af stað og stúkan lætur vel í sér heyra!

Stuðningsmenn KA og Þórs láta vel í sér heyra og lætin munu bara aukast þegar að tuðrusparkið byrjar. Nú er gaman!

,,Djuric skorar aldrei mörk!'' kyrja Þórsarar við laglínu sem að þeir sungu gjarnan þegar að Þórsgoðsögnin Jóhann Helgi Hannesson spilaði fyrir félagið.

KA-Þór er mjög hátt spennustig, mikil læti og hormónin flæða um líkamann. Undir 3,5 mörk er 1,76 á Epic. Dettur mjög oft í grannaslögum þar sem menn þora ekki að gera mistök.

— Kristalkúlan (@kristalkulan) July 27, 2026

Ingimar Arnar Kristjánsson þarf að gera sér að góðu að horfa á leikinn á hóteli í Árósum, en hann var seldur til Århus Fremad fyrir nokkrum dögum.

,,Ég heyrði í nokkrum í liðinu áðan og fann bara strax að þessi leikur fer 1-3 fyrir okkur. Gyrðir skorar aftur eftir horn frá Einari, Fúsi setur síðan næsta en ég er ekki alveg kominn með hvernig það mark verður. KA minnkar svo muninn og þeir fara framar á völlinn, þá kemur AI (Arnar Ingi) inn á, setur þriðja markið og klárar þetta og rífur sig úr að ofan. Það er svona nokkurnveginn svona sem ég sé þetta,'' sagði bjartsýnn Ingimar.


Ingimar býst við kroppasýningu og góðum Þórssigri í kvöld.

Það er ljóst að Birgir Baldvinsson verður ekki eins og rennilás upp og niður vinstri vænginn hjá KA liðinu í kvöld, en Birgir tekur út leikbann og sagði í viðtali við Fótbolta.net að mögulega hefði hann storkað örlögunum með því að velta þessu of mikið fyrir sér fyrir síðasta leik gegn ÍBV.

,,Ég áttaði mig á því um leið og ég negldi Arnór (Inga Kristinsson) niður að ég væri að fá gult, ég hélt ég myndi ná boltanum en svo var ekki.''

Birgir spáir sínum mönnum að sjálfsögðu sigri: ,,Sagan á það til að endurtaka sig, svo ég spái 3-0 heimasigri.''


Sársvekktur yfir því að missa af grannaslagnum, en bjartsýnn á gott gengi sinna manna.

Fótbolti.net fékk tvo stuðningsmenn, einn úr hvoru liði og síðan tvo óháða til þess að spá fyrir um úrslit leiksins. Eins og við var að búast sýndi KA maðurinn Andri Fannar Stefánsson uppeldisfélaginu tryggð og spáði KA 2-0 sigri, en Óðinn Svan Óðinsson, stuðningsmaður Þórs og formaður bæjarráðs á Akureyri, sagði montréttinn á leið í Þorpið og skaut um leið létt á Danijel Dejan Djuric.

Ragnar Bragi Sveinsson, leikmaður Fylkis, spáði KA sigri í 7 marka veislu en Arnór Gauti Jónsson, leikmaður Slaven Belupo, taldi að snilli Eiðs Ben Eiríkssonar - aðstoðarþjálfara Þórs- myndi ríða baggamuninn.


Danijel Dejan Djuric hefur verið vaxandi í leik sínum með KA, en leitar enn að sínu fyrsta deildarmarki. Aron Birkir Stefánsson, markmaður Þórs, skoraði stórkostlegt mark gegn KR um daginn og telur Óðinn Svan að hann eigi eftir að endurtaka leikinn í kvöld.

Það er Skagamaðurinn Þórður Þorsteinn Þórðarson dæmir stórleik kvöldsins. Verkefnið er ærið, en 49 aukaspyrnur voru dæmdar í fyrri leik liðanna í maí og búast má við svipuðu spennustigi í kvöld, með tilheyrandi tæklingum og látum.

Kristján Már Ólafs og Jovan Subic eru aðstoðardómarar og Arnar Ingi Ingvarsson fjórði dómari. Eftirlitsmaður leiksins er Halldór Breiðfjörð Jóhannsson.


ÞÞÞ heldur mönnum á mottunni í kvöld.

Fótbolti.net rýndi í möguleg byrjunarlið erkifjendanna fyrir leik kvöldsins.

Bæði lið munu sakna mikilvægra leikmanna, en í lið KA vantar þá Jeppe Pedersen og Birgi Baldvinsson og Þórsarar verða án Ágústs Elí Hlynssonar og Bjarna Guðjóns Brynjólfssonar. Þá var stopp Arons Einars Gunnarssonar í Þorpinu í styttri kantinum. Landsliðsfyrirliðinn fyrrverandi spilaði í sigri á Íslandsmeisturum Víkings en heldur nú aftur til Katar.
Reiknað er aftur á móti með því að nýjasta viðbót Þórs, Victor Bertomeu, byrji uppá topp í kvöld. Hann kom til liðsins frá indverska liðinu Kerala Blasters þar sem að hann skoraði 4 mörk í 9 deildarleikjum.

KA:


Þór:

Miðasala fyrir leikinn er í fullum gangi og hafa nú um 1800 miðar verið seldir á leikinn. KA fólk gæti í raun ekki beðið um betra tilefni til þess að vígja stúkuna á nýja vellinum og verður í raun ákveðin gæðaskoðun á mannvirkið - þar sem að gera má ráð fyrir því að svæðið muni nötra.


Sævar Pétursson, framkvæmdastjóri KA, sagði nýverið í viðtali við Sýn að ásýnd KA svæðisins myndi gjörbreytast þegar framkvæmdum lyki.

Hér mun fara fram textalýsing á grannaslag KA og Þórs í Bestu-deild karla.