Jafntefli niðurstaðan hér á Samungvellinum annan leikinn í röð!

Bæði lið væntanlega svekkt að hafa ekki náð að stela sigrinum!

Þróttur byrjaði leikinn mun betur en Stjarnan mætti grimmari til seinni hálfleiks

Takk annars fyrir samfylgdina!
Viðtöl og skýrsla kemur inn síðar í kvöld

Þóra María stöðvar Mist í hörkuhlaupi, Unnur Dóra fær síðan dæmt á sig vitlaust innkast

Stjörnukonur komast í hættulega sókn en Mist nær skallanum áður en Mollee handsamar svo boltann

Sæunn tekur hornið sjálf, það er hætta á teignum, boltinn berst svo alla leið aftur til Mistar sem skýtur þessu bara af löngu færi og Skiba þarf að hafa sig alla við að ná þessum

Sæunn með höööörkuskot af löngu færi sem Skiba ver útaf!

A.m.k. 5 mínútur í uppbótartíma

Úlfa Dís með frábæran bolta inn fyrir en þær ná þessu ekki! þær eru að ógnaaaa! Horn sem ekkert kemur úr

Nú fer að verða síðast séns fyrir annað hvort liðið að stela þessu!

Fanney Lísa fær draumabolta í gegn en flaggið fer á loft!

Sierra fær boltann út á kant, keyrir með hann sjálf, reynir svo fyrirgjöfina en beint á Skiba

Andrea Mist með horn fyrir Stjörnuna, setur hann á miðjann teiginn en þær ná að koma þessu frá

Andrea Mist með aukaspyrnu utan af hægri kanti en ekkert kemur úr henni

Erika brýtur á Katie, búið að vera mikið um brot sem ekki er verið að flauta á, ekkert kemur þó úr þessari aukaspyrnu

Sæunn með enn eitt hornið en Skiba blakar þessu frá

Snædís kemur sér í góða stöðu en enginn mættur í fyrirgjöfina

Andrea Mist með hörku tæklingu kemur í veg fyrir að Kayla Marie nái eað setja boltann fyrir markið, Horn sem ekkert kemur úr fyrir Þróttara nema sprettur upp hjá Fanneyju Lísu!

Sæunn með hornið en það skellur ofan á marknetinu

Bríet kemur sér strax í boltann, setur Kaylu í góða stöðu og nælir svo í hornspyrnu fyrir Þróttara,

Murielle kemst í gegn, skilur Mollee eftir við endalínuna, setur svo boltann út í teiginn en enginn kemst þar í boltann nema María Eva sem er nálægt því að setja boltann í eigið mark, Þetta var séns fyrir Stjörnuna að tvöfalda

Sæunn með hornið á miðjann teiginn en Stjörnukonur skalla þetta frá

Sæunn tekur aukaspyrnu hratt upp á Kaylu se nælir í hornspyrnu fyrir Þróttara

María Eva með fyrirfyrirgjöf en Skiba grípur þetta, liggur síðan eftir, eitthvað að hrjá hana

Sæunn tekur aukaspyrnu á fínum stað, setur hann á fjær en ekkert kemur úr þessu

Kayla Marie kemst ein gegn Skiba en setur boltann beint á hana! Illa farið með gott færi!!

Andrea með hornspyrnu, setur hann á teiginn, sýnist það vera Murielle sem nær skallanum, boltinn berst svo til Úlfu sem reynir að koma sér í gegn en skotið hennar síðan í hliðarnetið

Andrea Mist tekur fyrsta hornið fyrir Stjörnuna í leiknum, tekur þetta stutt á nærstöngina og þær reyna að spila úr þessu en ná ekki að nýta þetta nægilega vel

Murielle sparkar okkur aftur af stað!

Þróttarar hljóta að naga sig í handabökin að hafa ekki náð að pota inn marki fyrstu í 20. mín þegar Stjarnan hreinlega var ekki mætt til leiks.

Það er hins vegar 0-0 hér í hálfleik og verður gaman að sjá hvort liðið fær spark í rassinn í hálfleik!

Ég nenni allavega ekki að fá annað 0-0 jafntefli í röð hér hjá Stjörnunni!

Björg fer illa með Söndru, finnur svo Þórdísi Nönnu inn í teignum en hún skóflar boltanum hátt yfir

Sæunn tekur þetta, fer á nærhornið og dómararnir virðast sjá Skiba snerta hann, annað horn sem endar með að hann fer út fyrir endalínu

Mist nælir í horn fyrir Þrótt

Kayla Marie rænir boltanum af Evu Marie þrumar boltanum svo yfir fjærhornið

Þórdís Nanna og Skiba lenda harkalega saman en þær eru báðar algjörir naglar og fljótar að standa upp

Sandra Hauks fær stórt og mikið tiltal fyrir að brjóta á Björgu sem var að komast í skyndisókn en ekkert spjald fer hins vegar á loft!

Sæunn tekur hornið, fær hann svo aftur og reynir skotið en framhjá

Kayla reynir skotið en það fer af Þór Maríu og stefnir bara inn í nærhornið en Skiba kýlir hann afturfyrir

Fanney Lísa með hörkuskot en það er yfir

Andrea tekur aukaspyrnu á miðjum vallarhelmingi Þróttar, þar er síðan alls konar vesen áður en Mollee nær að kýla boltan fram

Úlfa Dís kemst á hlaupið setur hann til hliðar á Murielle sem er alein gegn Mollee en setur boltann beint í hana!

Líklega bara fyrsta skotið hjá Stjörnunni á markið! Ekki oft sem þú sérð Murielle klúðra svona færi!

Annað horn frá Sæunni inn á miðjann teiginn en brotið á Skiba í markinu

Sæunn með hornspyrnu, barningur í teignum sem endar með að boltinn berst niður til Mistar sem kemur houm áfram

Björg með hörkuskalla ég sá þetta á leiðinni inn en Skiba kemst í þetta

Andrea reynir að finna Úlfu Dís en of fastur bolti

Sæunn tekur horn fyrir Þróttara en ekkert kemur úr því

Svakalegur kraftur í Katie hérna! Hún er allt í öllu í sóknarleik Þróttar

Þórdís Nanna með hættulegan bolta á teignum sem rennur fyrir opnu marki áður en þær ná að koma þessu frá! Nú þarf Stjarnan að fara vakna ef ekki á að fara illa!

Katie og Kayla Rollins með fínasta spil sem endar með hörkuskoti frá Katie í stöngina!

Þróttur er grimmari aðilinn hér í byrjun leiks og pressa Stjörnukonur hátt

Kayla Marie sparkar leiknum af stað fyrir okkur

Stjarnan
Óskar Smári gerir 3x breytingu á liði sínu frá 0-0 jafnteflinu gegn Grindavík/Njarðvík. Inn í liðið koma Sandra Hauksdóttir, Fanney Lísa og Margrét Lea. Snædís María sest á bekkinn, Telma er farin í skóla og Ingibjörg Lúcía er í banni.

Þróttur
Jóhann Kristinn hins vegar heldur sama byrjunarliði og í 1-1 jafnteflinu gegn Víking.

Þróttur
Þróttur hefur fengið góða styrkingu í glugganum en hin gamalkunna Katie Cousins er komin aftur, Bríet Fjóla kom yfir frá Þór/KA og svo voru að berast fréttir af því að Sierra Marie Lelii væri að fara taka fram skóna á ný . Þær hafa þó einnig misst leikmenn bæði í skóla í Bandaríkjunum og svo fór Þórdís Elva yfir til Breiðabliks.






Stjarnan
Stjarnan hins vegar hafa ekki styrkt sig neitt í glugganum og spurning hvort það haldist svo. Óskar Smári þjálfari Stjörnunnar hefur allvega ekki fengið fjármagn tl þess frá stjórninni ef marka má viðtöl. Stjarnan hefur þó orðið fyrir þó nokkrum missi en fyrirliðinn Anna María er meidd út tímabilið og þá eru þær að missa Telmu í skóla ásamt 4 öðrum leikmönnum.

Landsliðskonan María Catharina Gros Ólafsdóttir spáir í leikina sem framundan eru.

Stjarnan 3 - 2 Þróttur R.
Stjarnan vill sigur eftir síðustu umferð og þær vinna 3-2.

Liðin mættust á Avis vellinum þann 25. maí sl. þar sem Stjarnan fór með 0-1 sigur af hólmi með marki frá Evu Marie Wirtz.


Ef skoðaðar eru allar innbyrðisviðureignir sem KSÍ er með inn á nýju síðunni sinni þá sést að Stjarnan er með örlítið meira hald á Þrótti. Stjarnan hefur 16x farið með sigur af hólmi gegn 11x sigrum hjá Þrótti. Þá hafa leikar staðið jafnir 4x.

Ef þetta segir okkur eitthvað þá er allavega ólíklegast að við endum í jafntefli í kvöld!

Þróttarakonur sitja fyrir þennan leik í 7. sætinu með 14 stig! 2 stigum á eftir Grindavík/Njarðvík og Fram í 5. og 6. sætinu og 2 stigum á undan Þór/KA.

Þróttur tryggði sér á dögunum sæti í úrslitum Mjólkubikarsins þar sem frammistaðan hefur verið virkilega góð. Hins vegar hefur gengið í deildinni verið arfaslakt en þær hafa ekki unnið leik síðan 29. maí! Þegar þær unnu Val 0-1.

Í síðustu 6 leikjum hefur liðið náð í 2 stig með 2 jafnteflum en annars tapað rest.

Það verður því áhugavert að sjá hvort Þróttarar hafi náð að peppa sig í gang um versló og reyni að sækja sinn fyrsta sigur í deild í LANGAN tíma! Því ef ekki þá er ofboðslega stutt í fallbaráttudrauginn...

Stjörnukonur sitja í 3. sæti deildarinnar með 22 stig eða 8 stigum á eftir toppliðunum FH og Breiðablik og 1 stigi á undan ÍBV í 4. sætinu.

Stjarnan hefur verið að gera góða hluti í sumar og er það lið sem hefur fengið næst fæst mörk á sig og voru fyrir 7-3 skellinn gegn FH með langfæst skoruð mörk á sig.

Í síðustu umferð snéru þær skellinum við í 0-0 jafntefli svo þær fundu aftur taktinn í varnarleiknum en þeim skorti þó aðeins í sóknarleiknum í þeim leik þar sem engin mörk voru skoruð!

Þær vilja því eflaust bæði halda hreinu hér í kvöld og fara að setja fleiri mörk!

Umferðin hefst í dag með þessum leik, þrír leikir eru svo á dagskrá annað kvöld en umferðin klárast svo ekki fyrr en laugardaginn 15. ágúst með toppbaráttuslag FH og Breiðabliks. Er það vegna evrópuleikja Breiðabliks í Kasakstan.

Umferðin lítur þá svona út:

Í dag:
19:15 Stjarnan - Þróttur

Á morgun:
18:00 Þór/KA - Fram
18:00 Grindavík/Njarðvík - ÍBV
19:15 Valur - Víkingur R.

15. ágúst:
14:00 FH - Breiðablik

Á flautunni í kvöld verður Ásmundur Þór Sveinsson og honum til halds og trausts verða Tryggvi Elías Hermannsson og Ingibjörg Garðarsdóttir Briem aðstoðardómarar.

Fjórði dómari er Hallgrímur Viðar Arnarson og eftirlitsmaður í kvöld er Sigurður Hannesson.

Verið hjartanlega velkomin í þessa textalýsingu þráðbeint frá Samsungvellinum í Garðabæ þar sem Stjarnan tekur á móti Þrótti í 15. umferð Bestu deildarinnar.

Leikurinn hefst á slaginu 19:15!