Sanngjarn sigur fyrir rest. Vestri hefði geta skorað fleiri í fyrri hálfleik en mættu alls ekki vel í þann seinni

Skýrsla og viðtöl á leiðinni.

Það er ekki mikill vilji núna hjá gestunum

Njarðvík vill hins vegar bæta við marki

Er kominn í góða stöðu og ákveður að gefa á Rafael en honum tókst ekki að skora.

Njarðvík eru mun líklegri til að bæta í frekar en að gestirnir minnki muninn.

Njarðvíkingar hafa heldur betur snúið þessum leik sér í vil og er miklu sterkari þessa stundina.

Sergine á flotta þversendingu á Selvén sem nær að keyra á vörnina.

Eins og í fyrri hálfleik þá keyrir hann inn á miðju og á skot en skotið hins vegar þægilegt fyrir Guy í markinu.

Fer þarna á milli tveggja varnarmanna Vestra og er næstum því sloppinn í gegn.

Marvin snöggur út úr markinu og handsamar voltann.

Sergine Fall skýst upp hægri og á fína fyrirgjöf fyrir en virkilega vel gert hjá Sigurjóni í vörninni sem kemur í veg fyrir dauðafæri hjá gestunum.

Góður hraði í leiknum þessa stundina.

Smá glíma hjá Leandro og Jacob sem rúlla saman á jörðinni

Aukaspyrna dæmd á Jacob en ekkert spjald, set smá spurningarmerki við þá ákvörðun.

Jacob heldur í hann aftan frá rétt áður og stöðvar sóknina.

Leandro kominn í góða stöðu vinstra megin einn á móti Elmari sem gerir virkilega vel í að hægja á sókninni og kemur í veg fyrir fyrirgjöfina.

Boltinn fer síðan af Leandro aftur og markspyrna

Líka í seinni fær hann boltann rétt fyrir utan teig og skýtur með vinstri en boltinn framhjá

Ágætis færi engu að síður.

Talsverður vindur sem hefur jöfn áhrif á bæði liðin

Vestri byrjar í seinni

Heimamenn jafna í lokin en Vestri samt fengið betri færi heilt yfir.

En þetta breytir leiknum.

Tökum okkur 15

Njarðvík fékk aukaspyrnu á góðum stað vinstra megin við teig.

Alexander skrúfar hann inn á völlinn og fyrirgjöf hann endar sem skot sem Marvin þarf að verja í horn.

Í kjölfarið fer hornspyrnan á pönnuna á Arnar Helgi sem skallar hann yfir, náði ekki að stýra honum niður enda hár bolti.

Ekki mikið um að vera

Í kjölfarið fær Breki Þór boltann og keyrir upp. Hann ákveður að taka skot utan teigs, fast var það en engu að síður þægilegt fyrir Guy í markinu.

Vestri hefur átt mun hættulegri og betri færi í leiknum þrátt fyrir að vera minna með boltann.

Flott sending hjá Alexander Helga inná teig meðfram jörðinni sem finnur Valdimar en Marvin kemur vel út úr markinu og ver.
Fyrsta alvöru færið hjá heimamönnum.

Marvin meiddist síðan í kjölfarið en allt í góðu með hann núna.

Fær boltann fyrir utan teig og skýtur með vinstri en þægilegt fyrir Guy Smit í markinu.

Njarðvík á ennþá eftir að skjóta á rammann í þessum leik.

Njarðvík meira með boltann og komast í góðar stöður hér og þar en ná ekki að skapa sér nein færi

Fær boltann rétt fyrir utan teig en skotin laust og framhjá.

Oumar ósáttur með sig og slær í jörðina

Vestri er að komast meira inn í leikinn á meðan Njarðvík er að missa boltann og misheppnaðar sendingar.

Breki Þór og Selvén skapa usla fremst fyrir gestina.

Langbestu færin hafa verið gestanna og eitt mark kom upp úr einu slíku.

Vestri hefði átt að vera 2-0 yfir nú þegar.

Sóknir og stöður Njarðvíkur hafa runnið í sandinn til þessa.

Breki Þór sloppinn í gegn eftir sendingu hjá Selvén en Guy Smit gerir vel og ver í horn.

Þarna hefði Breki átt að skora, hann var alveg all einn og Eiður langt á eftir honum.

Klaufarlegur varnarleikur þarna hjá Eiði sem misreiknar boltann og hleypir Breka í gegn.

Aldrei eins vant þá er vörnin þétt og vel skipulögð eitthvað sem hefur ekki verið undanfarna leiki.

Heimamenn eru sterkari aðilinn og pressa hátt.

Enda eru þeir undir og þurfa að sækja.

Gestirnir eflaust sáttir með stöðuna eins og hún er núna.

Það eru heimamenn sem sparka þessu af stað

Það er stutt í fjörið

Það eru flottar aðstæður hér í dag, 12 gráður, léttskýjað en smá vindur að vísu.

Völlurinn sem var ófær í gær er orðinn þurr og ekkert mál að spila á honum í dag. Vallarstarfsmenn búnir að standa sig vel og búnir að sanda fyrir fram bæði mörkin en annars er völlurinn flottur.

Davíð Smári gerir þrjár breytingar frá siguleiknum gegn Ægi í síðustu umferð.

Inn í byrjunarliðin koma þeir Bragi Karl Bjarkarson, Oumar Diouck og Aron Einarsson.

Bragi Karl gat ekki spilað í síðustu umferð vegna meiðsla en er kominn aftur og munar um minna enda markahæsti leikmaður liðsins.

Stefán Gísli Stefánsson og Viktor Nói Viðarsson eru á bekknum á meðan Símon Logi Thasaphong er utan hóps.

Vestri gerir fjórar breytingar frá tapleiknum gegn Gróttu

Þórður Gunnar Hafþórsson, Birki Eydal og Guðmundur Páll Einarsosn fara á bekkinn á meðan Gunnar Jónas Hauksson er utan hóps.

Inn í byrjunarliðið koma þeir Marcos Campos, Elmar Atli Garðarsson, Chriss-Albin og Sergine Fall.

Fótbolti.net fékk hvorki meira né minna en Ágúst Hlynsson til að spá fyrir 17. umferð deildarinnar. En Ágúst lék einmitt með Vestra í fyrra.

Hann spári 2-2 jafntefli og miklum markaleik, það er aldrei að vita nema það rætist.

Njarðvík 2 - 2 Vestri
Þetta verður leikur umferðarinnar. Alvöru báráttuleikur í njarðvík þar sem nóg mun gerast! Mínir gömlu menn í Vestra komast yfir með frábæru marki frá Gunnari Jónasi, Eiður Aron jafnar leikinn með alvöru skalla. Elmar Atli skorar svo alvöru dramatískt Jöfnunarmark undir lok leiksins sem fyrrum þjálfarinn minn Davíð smári verður ekki ánægður með.

Þessi leikur eins og síðasti leikur þessara liða hefur eflaust sérstaka þýðingu fyrir núverandi þjálfara Njarðvíkur Davíð Smára Lamude.

Eins og flestir vita var hann þjálfari Vestra í fyrra og hafði náð ævintýralegum árangri með liðið. Ekki nóg með það að hann kom liðinu upp í Bestu deild, hélt þeim uppi og svo vann Vestri Mjólkurbikarinn í fyrsta sinn í sögu félagsins sem verður að teljast án efa merkilegasti atburður í sögu félagsins

Í kjölfarið fór hins vegar að halla undan fæti og gengið Vestra hrakaði hratt og endaði með því að Davíð Smári var látinn taka poka sinn áður en tímabilinu lauk. Mörgum og undirrituðum meðtöldum þótti það furðuleg ákvörðun og liðið féll engu að síður þrátt fyrir þjálfaraskiptin.

Þessi tvö lið mættust í 6. umferð í lok maí á Kerecis vellinum og þá sigraði Njarðvík örugglega 3-0 með tveimur mörkum frá Braga Karli Bjarkasyni og Freysteinn Ingi Guðnason bætti við þriðja markinu. Öll mörkin komu í fyrri hálfleik.

Vestri sem eru ríkjandi meistarar Mjólkurbikarsins eftir frækinn 1-0 sigur á Valsmönnum í fyrra þurfa hins vegar að fara að rífa sig í gang. Eins og Njarðvík er gengið undir pari miðað við spár fyrir tímabilið en ólíkt andstæðingum sínum hér í dag þá er gengið undanfarna leiki alls ekki gott og hafa steinlegið í síðustu þremur umferðunum og fengið á sig 14 mörk samtals. Í síðustu umferð steinlá liðið 0-3 á móti nýliðum Gróttu á heimavelli.

Liðinu til varnar þá hafa ferðalög eflaust sett strik í reikninginn en liðið hefur tekið þátt í bæði forkeppni Evrópudeildarinnar sem og forkeppni sambandsdeildarinnar en þeim verkefnum er nú lokið og þarf liðið að einblína á deildina.

Liðið er sem stendur í 8. sæti en þó ekki nema 5 stigum á eftir Njarðvíkingum um síðasta lausa umspilssætið.

Nú er það mikið liðið af tímabilinu að gaman er að skoða spár fyrir tímabilið og kanna stöðuna.

Fyrir tímabilið var Njarðvík spáð 3. sæti og umspili um að komast í Bestu deildina á næsta ári. Liðið er eins og stendur í 5. sæti sem er einnig umspilssæti.

Keflavík komst einmitt upp í Bestu deild í fyrra eftir að hafa endað í 5. sæti og unnið umspilið. Keflvíkingar í fyrra þóttu ekki ólíkt Njarðvík hafa spilað talsvert undir pari á tímabilinu en eru í dag í efri hluta Bestu deildar þannig að allt er nú hægt í þessum fótbolta.

Það má nú alveg færa rök fyrir því að Njarðvíkingar eru á réttri leið og hafa unnið fjóra af síðustu fimm leikjum sínum í deildinni. Í síðustu umferð sigraði Njarðvík Ægi 1-0 í Þorlákshöfn með marki strax á 4. mínútu leiks frá Valdimari Jóhannsyni.

Gunnar Freyr Róbertsson mun sjá um dómgæsluna hér í dag.
Kristofer Bergmann og Tryggvi Elías Hermannsson verða aðstoðardómarar og eftirlitsmaður í dag er Halldór Breiðfjörð Jóhannsson.

Góðan dag kæru áhorfendur.

Velkomin til Njarðvíkur þar sem heimamenn fá Vestra í heimsókn í 17. umferð Lengjudeildar karla.

Leikurinn hefst klukkan 14 í dag og hægt er að fylgjast með beinni textalýsingu frá JBÓ vellinum.