Dagur Örn Fjeldsted með afleita fyrirgjöf sem endar á því að fara aftur fyrir markið og í sömu andrá flautar Jóhann leikinn af. Ótrúlegur leikur á enda sem Framarar enda á að sigla heim. Viðtöl og skýrsla koma inn í kvöld.

Blikar reyna að finna opnanir og spila í kring um teiginn en allar fyrirgjafir eru skallaðar frá.

Blikar eru búnir að koma öllum Frömurum inn á eigin teig en slök sending frá Degi Erni fer beint á Harald Einar sem nær að losa aðeins um pressuna.

Kennie dæmdur brotlegur úti á velli og Framarar tryllast, spennustigið er gríðarlega hátt í Kópavoginum þessa stundina.

Framarar komast í skyndisókn og Robbi Hauks er á harðaspretti upp völlinn með boltann en sendingin frá honum þegar hann ætlar að finna samherja er slök og Blikar vinna boltann.

Blikar sækja og sækja og aftur er VIktor að gera vel í markinu og bjargar Fram.

Hornið er tekið stutt og skilar sér aldrei inn í teig.

Enn sækja Blikar og vinna annað horn.

Höskuldur tekur spyrnuna sem fyrr og eftir einhvern darraðardans inn á teignum endar boltinn í þverslánni. Blikar ná aftur til boltans en enda á að fá hann í höndina og Framarar líklega dauðslifandi fegnir að geta náð andanum.

Kennie Chopart með hrikalega hreinsun beint inn í miðjan völlin á Blikana. Óli Valur fær á endanum boltann fyrir utan teiginn og lætur vaða en Viktor Freyr ver frábærlega og Blikar eiga horn.

Höskuldur tekur spyrnuna, finnur Dag Örn á fjær en skallinn hans er beint á Viktor sem grípur boltann.

Kristófer Ingi í færi inn á teig Framara en skotið hans virðist vera fram hjá. Jóhann dæmir markspyrnu en skiptir svo um skotuð og Blikar eiga horn.

Fínasta spyrna frá Haraldi Einari in á markteiginn en samherjar hans ná ekki til boltans.

Blikar í einhverjum vandræðum með hvert á að setja boltann inn á eigin markteig og enda á því að rúlla honum aftur fyrir. Fram eiga horn.

Þorleifur Úlfarsson í dauðafæri eftir frábæra fyrirgjöf frá Davíð Ingvarssyni, beint á pönnuna á honum. Ætlar að sneiða hann í fjærhornið en hefði líklega átt að stanga þetta í nær.

Freyr Sigurðsson þarf aðhlynningu og fer af velli, Framarar undirbúa skiptingu á sama tíma, Freyr líklega búinn í dag.

Fínasta fyrirgjöf frá hægri sem finnur ennið á Þorleifi en skallinn hans beint upp í loft og Viktor er í engum vandræðum með það.

Haraldur Einar tekur hornið en það er of langt og fer yfir allan pakkann.

Höskuldur hrasar um boltann á vallarhelmingi Fram og gestirnir geta sótt hratt. Robbi Hauks er kominn inn á teiginn, með Kennie með sér, en ákveður að láta vaða, skotið af varnarmanni og aftur fyrir.

Það er að færast smá hiti í leikinn, bæði lið ósátt með dómaraákvarðanir hér og þar og láta það í ljós.

Framarar sækja hratt og Freyr Sigurðsson leikur listir sínar inn á teignum áður en hann finnur Vuk á vítateigshorninu sem ætlar að skrúfa hann í fjær en skotið af varnarmanni og aftur fyrir. Hornið er svo ekki gott og þeir ná ekki að skapa neina hættu.

Jónatan Guðni svo nálægt því að jafna fyrir Blika með skoti af smá færi en Viktor Freyr gerir vel í markinu og fær fingurgómunum í boltann og Blikar eiga horn. Hornið er tekið stutt og þeir ná ekki að skapa hættu upp úr því.

Höskuldur með skot rétt fyrir utan teiginn vinstra megin við d-bogann en það er langt fram hjá. Svo langt að Framarar í stúkunni fagna þessari tilraun.

Jónatan Guðni með kærulausa sendingu á miðjum vellinum sem hleypir Fram í skyndisókn. Vuk virðist vera kominn í skotfæri inn á teignum, nær ekki alveg að fóta sig og þarf á endanum að senda boltann út í teiginn á Kristófer sem á skot í varnarmann.

Þorri Stefán gerir vel og vinnur boltann á eigin vallarhelmingi, tekur á rás og ber boltann upp alla leið inn á teig Blika áður en hann rúllar honum til vinstri þar sem hann finnur Vuk. Vuk setur hann á markið en skotið er nokkuð beint á Anton Ara sem grípur það örugglega.

Framarar fá aukaspyrnu langt út á velli sem Haraldur einar tekur inn á teiginn, finnur samherja en skallinn ekki nægilega góður.

Höskuldur skrúfar boltann í átt að fjærstönginni en Vuk hreinsar frá. Blikar ná boltanum aftur og halda sókninni áfram en skapa sér þó ekkert áður en að Haraldur Einar þrumar boltanum upp völlinn og losar um pressuna.

Framarar koma boltanum ekki frá og á endanum er Kenni dæmdur brotlegur. Blikar fá aukaspyrnu á milli enda línunnar og vítateigsins.

Þorleifur sparkar seinni hálfleiknum í gang.

Gleymdum að telja upp Valtý Björn Valtýsson yfir fræga á vellinum áðan og biðjum lesendur afsökunar á því.

Eftir að hafa komist yfir misstu Blikar alla stjórn á leiknum og staðan í þessum hálfleik 1-4 fyrir Framara. Verðskulduð forysta og hún verður líklega meiri ef Blikar breyta ekki einhverju í hálfleiknum.

Davíð Ingvars með skot vinstra megin í teignum en það er langt yfir markið.

Kristófer Konráðs straujar Kidda jóns inn í miðjuhringnum og er heppinn að fá ekki gult.

Enn sækja Framarar og nú er Róbert Hauksson við það að ná skoti á markið en Anton Ari gerir vel og hirðir boltann við lappir hans rétt áður en hann nær til hans.

Óli Valur með fyrirgjöf inn á markteiginn en Viktor Freyr öruggur í sínu og grípur hana auðveldlega.

Blikar fá tvö horn í beit. Framarare í nauðvörn eftir fyrsta hornið og í vandræðum með að koma boltanum frá, Blikar ná skoti sem fer af vararmanni og aftur fyrir. Seinna hornið er skallað frá strax.

Fyrirgjöf frá hægri fer af Haraldi Einari og í horn. Blikar vilja meina að Haraldur hafi fengið hann í höndina, virtist fara í olbogann á honum en spurning hversu mikið upp við líkama höndin var.

Fínasti bolti frá Kidda Jóns inn á teig, í átt að vítapunktinum, en Þorri Stefán gerir vel og skallar frá.

Jónatan Guðni með ansi lipran snúning úti hægra megin en Haraldur ætlar ekki að láta bolta og mann fara fram hjá sér í einu og vippar löppunum undan Jónatan.

Kristófer Konráðsson með háan bolta á fjær þar sem Róbert Hauksson fer upp á efstu hæð en skallinn er erfiður og hann nær ekki nægilegum krafti í hann.

Anton Ari með mjög vonda sendinu út úr markinu beint í lappirnar á Róberti Hauks en hann nær ekki stjórn á boltanum. Stálheppinn Anton Ari þarna!

Spyrnan frá Kristófer kemur á nærstöngina þar sem Haraldur Einar nær að fleyta honum aðeins lengra áður en Blikar koma honum frá.

Aftur er Kennie að komast í skot, nú fer það af varnarmanni og skrúfast til Kristófers Inga sem er í vandræðum með að ná stjórn á boltanum og Fram fá horn.

Boltinn berst til Kennir rétt fyrir utan d-bogann, hann nær einni snertingu og tekur boltann á lofti og þrumar honum í átt að markinu en skotið er fram hjá.

Margir frægir á vellinum í kvöld. Fyrstan ber að nefna Valla í Fræbblunum með flottan hatt. Hér eru líka Stefán Pálsson, Gústi á Bombay, Tómas Þór, Valur Gunnars, Gulli Gull, Hildur Einarsdóttir bæjarfulltrúi, Daði Guðmunds, Kristján Freyr trymbill, Sveinn Andri Sveinsson stórstjarna, g&T Gummi Torfa og Andri Yrkill hádegisfréttamaður. Kveðja, útsendarinn í stúkunni.

Góð sókn Fram endar með því að Kennie kassar boltann fyrir lappir Robba Hauks sem skýtur í varnarmann og aftur fyrir. Fram ná svo ekki að skapa sér neitt upp úr horninu.

Kristófer tekur spyrnuna sem er alls ekki góð, endar á vítateigshorninu hinum megin þar sem enginn samherji er. Framarar halda þó boltanum og á endanum er Kennie í góðu færi inn á teignum, ætlar að skrúfa hann í fjær en skotið í varnarmann.

Vuk Óskar í góðu færi inn á teignum en VIktor Örn gerir vel og nær að henada sér fyrir skotið í tæka tíð. Sókn Fram heldur áfram og á endanum uppskera þeir horn.

Jónatan Guðni sækir á Harald Frey og vinnur annað horn fyrir Blika.

Höskuldur tekur spyrnuna á fjær en Ægir Jarl skallar frá.

Breiðablik fær fyrstu hornspyrnu leiksins.

Höskuldur gerir vel og vinnur boltann af Ægi á miðsvæðinu en Jóhann Ingi dæmir brot.

Gestirnir byrja með boltann og sækja í átt að Sporthúsinu.

Ólafur Ingi Skúlason neyðist til að gera tvær breytingar. Ívar Örn Árnason er í leikbanni eftir að hafa fengið sitt sjöunda gula spjald í sumar og Ágúst Orri Þorkelsson hefur verið seldur til Excelsior í Hollandi. Inn fyrir þá koma þeir Kristinn Jónsson og Jónatan Guðni Arnarsson.

Þá gerir Rúnar Kristinsson einnig eina breytingu sem hann neyðist til að gera. Fred Saraiva er ekki í leikmannahópnum eftir að hafa farið meiddur út af í síðasta leik liðsins gegn Stjörnunni. Það er mikið högg fyrir Framara en það vita allir sem fylgjast með þessari deild hvað Fred gerir fyrir Fram liðið. Kristófer Konráðsson er þá maðurinn sem kemur inn í liðið fyrir Fred.

Fram eru ekkert spes varnarlega, þegar þeir hafa mætt alvöru sóknarmönnum í sumar hafa þeir ítrekað fengið á sig slatta af mörkum. Breiðablik yfir 2 mörk er á stuðlinum 2.26 og einnig er “bæði lið skora 2+ mörk” á 2,7. Mæli með þeim báðum.

— Kristalkúlan (@kristalkulan) August 24, 2026

Ágúst Orri Þorsteinsson, einn besti leikmaður Blika á þessu tímabili, er á leið til Excelsior í Hollandi og hefur þegar yfirgefið herbúðir Blika. Hann verður því ekki með liðinu í kvöld og það sem meira er spilar ekki bikarúrslitin með Breiðablik.

Nánar er fjallað um félagaskipti Ágústs hér

Gummi Tyrfings, leikmaður Fylkis, er spámaður umferðarinnar og spáir alvöru tilþrifum.

Breiðablik 2 - 2 Fram
Þessi verður stál í stál. Blikar eru að ná sínum bestu mönnum til baka úr meiðslum og Fram búnir að vera sterkir. Fred verður að skemmta fólkinu í þessum leik eins og Brassarnir gera. Hann mun skora eftir að hafa tekið rainbow flick yfir Óla Val og sett boltann framhjá Antoni. Kristófer Ingi svarar úr víti. Anton Logi skorar svo huggulegt mark. En Kennie bjargar Fram með sínu tíunda marki í deildinni í sumar eftir klafs í teignum.

Jóhann Ingi Jónsson er maðurinn sem stjórnar umferðinni í leiknum í dag og honum til halds og trausts verða þeir Ragnar Þór Bender og Birkir Sigurðarson með sitthvort flaggið. Gunnar Oddur Hafliðason verður á skiltinu, mögulega í glænýjum Predators.

Framarar hafa spilað frábærlega í sumar sem sýnir sig líklega best í þeirri staðreynd að þeir eru að halda í við KR og Víking. Fyrir umferðina voru þeir, líkt og KR með 40 stig, átta stigum frá Víkingum og helst sú staða óbreytt ef að Fram leikur eftir Víkingum og KR sem bæði unnu sína leiki í umferðinni. Í síðustu fimm leikjum hefur Fram tapað einum, gert eitt jafntefli og unnið þrjá en þeir unnu Stjörnuna örugglega í síðasta leik sem fór 3-1.

Blikarnir eru líklega að eiga skýtnasta sumar af öllum í deildinni og hafa ekki beint verið að keppa um neitt alveg frá því í byrjun. Þeir sitja í fjórða sæti, 10 stigum frá einmitt Fram sem eru í því 3., og hafa hingað til verið með gott bil á liðin fyrir neðan en nú eru Keflavík heldur betur farnir að anda ofan í hálsmál þeirra með sín 28 stig. Breiðablik hafa í síðustu fimm leikjum aðeins sótt einn sigur, tapa tveimur og gert tvö jafntefli. Í síðasta leik fóru þeir á Meistaravelli og sóttu þar eitt stig í 3-3 jafntefli í leik sem hefði auðveldlega getað farið 7-7.

Verið hjartanlega velkomin í þessa beinu textalýsingu frá leik Breiðablik og Fram sem spilaður verður á Eikarvellinum í Kópavogi. Leikurinn er sá síðasti í 20. umferð Bestu deildarinnar og flautað verður til leiks klukkan 19:15.