Mjög svo fjörugum leik lokið í Kórnum. HK leiddi í hálfleik en Fylkismenn mættu grimmir inn í þann síðari og leiða þegar blásið er til hálfleiks í einvíginu. Næsti leikur er á kl 19:15 á sunnudaginn í Árbænum. Viðtöl og skýrsla væntanleg, takk fyrir mig.

Arnþór Ari skýtur í vegginn, þarna fór það

Jóhann Þór með skalla yfir markið, ágætis færi

HK fær hornspyrnu

Fjórum mínútum bætt við!

Brotið á Kára. Birgir Steinn braut á honum.

Guðmundur Tyrfings með skot sem fer rétt framhjá markinu. Það voru margir sem sáu þennan inni

Ég býst við svakalegum lokamínútum hérna í Kórnum. Það er hiti í húsinu og mér finnst alls ekki ólíklegt að við fáum fleiri mörk í þetta

HK í góðri sókn. Karl Ágúst er óvaldaður í teig gestanna og fær nægan tíma til að athafna skot sitt. Hann skýtur hins vegar yfir.

Þarna var færi til þess að jafna

Benedikt Daríus skýtur framhjá í góðu færi

Ólafur Kristófer ver fast skot frá Karli Ágústi

Karl Ágúst leikur listir sínar inn í teig Fylkismanna. Hann kemst framhjá þremur varnarmönnum en er þá kominn of nálægt Ólafi markmanni.

Hornspyrna niðurstaðan.

Radic með lélegt skot inn á teig gestanna, hefði mögulega getað fundið liðsfélaga þarna

Þorvaldur Smári sparkar þessu af stað á ný

ÞÞÞ flautar til hálfleiks um leið og Fylkir tekur miðjuna. Það hefur verið jafnræði með liðunum og Heimir Guðjóns er eflaust ósáttur með að liðið haldi ekki einbeitingu út fyrri hálfleikinn. Ég trúi ekki öðru en að þetta mark hleypi lífi í leikinn, sjáumst eftir korter.

Fylkir fær hornspyrnu

Theodór Ingi með ágætis tilraun, sker inn á hægri fót sinn en skýtur yfir markið

Boltinn upp í loft, gaman að þessu!

Theodór Ingi á laust skot beint á Óla eftir laglega sókn hjá Fylki

Karl Ágúst fellur niður í vítateig gestanna en ÞÞÞ dæmir ekkert. Karl Ágúst var undrandi en ég held ÞÞÞ hafi verið með þetta rétt

Dominik Radic á skot úr fínni stöðu, yfir fer hann

Ívar Örn með langt innkast sem Birgir Steinn flikkar upp í loft. Ólafur Kristófer handsamar þá boltann

Aron Snær kveinkar við sér og þarfnast aðhlynningar sem og hann fær. Hann verður útaf næstu mínútuna!

Þetta hefur aðeins róast síðustu mínútur, bæði lið eru að ná að halda ágætlega í boltann, án þess þó að skapa sér neitt

Guðmundur Tyrfings fær til tilkall frá ÞÞÞ fyrir að sparka boltanum frá sér eftir að hafa verið dæmdur rangstæður. Fór líka til aðstoðardómarans áðan eftir baráttu sína við Ólaf Örn.

Radic með fast skot fyrir utan teig, Ólafur Kristófer var þó ekki í vandræðum með þetta

Ólafur Kristófer með langan bolta fram á Guðmund Tyrfings. Ólafur Örn, markmaður HK, er kominn langt fyrir utan teig sinn og gerir sig líklegan til að skalla knöttinn frá. Guðmundur er hins vegar á undan til hans en hleypur í Ólaf í leiðinni.

Brot dæmt og mér sýndist rangstaða líka

Boltinn er endanna á milli þessa stundina, liðin eru lítið að ná að halda í hann

HK fær hornspyrnu, boltinn hrekkur út til Tuma sem á skot sem fer af varnarmanni og rétt framhjá!

Fín sókn hjá Fylki sem endar með skoti frá Bjarka Steinsen sem fer yfir

Óli með lélegt spark upp völlinn sem Fylkismenn komast í. Guðmundur Tyrfings á skot fyrir utan teig sem Óli ver í horn

Hinn kornungi Magnús Daði sparkar þessu af stað.

Liðin ganga inn á völl og Kórinn tekur við sér. Ágætis stuðningsmannasveitir hjá báðum liðum. Áfram fótbolti!

Liðin tvö mættust fyrir fjórum dögum í lokaumferð deildarinnar. Gunnar Heiðar Þorvaldsson, þjálfari HK, gerir tvær breytingar frá leiknum. Þorvaldur Smári Jónsson og Tumi Þorvarsson koma inn í liðið í stað Jóhanns Þórs Arnarssonar og Atla Þórs Gunnarssonar.

Heimir Guðjónsson, þjálfari Fylkis, gerir þrjár breytingar á sínu liði. Þórður Ingi Ingimunarson, Tumi Fannar Gunnarsson og Nikulás Val Gunnarsson víkja úr liðinu. Í þeirra stað koma þeir Bjarki Steinsen Arnarsson, Aron Snær Guðbjörnsson og Birkir Eyþórsson.

Fótbolti.net valdi fjóra spennandi leikmenn, einn í hverju liði, til þess að fylgjast með í umspilinu. Karl Ágúst Karlsson, leikmaður HK, var m.a. valinn en Valur og ÍA fylgjast grannt með kappanum.

HK tók á móti Fylki í lokaumferð Lengjudeildarinnar á laugardaginn síðastliðinn. Jafnræði var með liðunum en svo fór að HK bar sigur úr býtum, 2-1. Það verður að áhugavert að sjá hvort sú staðreynd að liðin hafi mæst fyrir nokkrum dögum hafi áhrif í dag.

HK endaði í 4. sæti deildarinnar með 38 stig. HK fór í gegnum allt tímabilið án þess að tapa á heimavelli. Liðið vann 10 leiki og gerði eitt jafntefli í Kórnum. Það er þó ekki sömu sögu að segja á útivelli. HK nældi sér aðeins í sjö stig sem gestaliðið og er það án efa ástæðan fyrir því að liðið var ekki í baráttunni um deildarmeistaratitilinn.

Fylkir endaði í 3. sæti deildarinnar með 40 stig. Liðið var í baráttunni um að komast beint upp allt tímabilið, ásamt Aftureldingu og Þrótti. Aðeins sjö stig í síðustu sex leikjum gerðu þó útslagið og liðið þarf að sætta sig við 3. sætið sem veitir þeim þó „heimavallarrétt", þ.e. liðið leikur seinni leik rimmunnar á heimavelli.

Einn færasti dómari landsins, Þórður Þorsteinsson Þórðarson, verður á flautunni í kvöld. Þeir Jovan Subic og Arnþór Helgi Gíslason verða með flöggin. Arnar Þór Stefánsson verður með skiltið og Gunnar Helgason krotar í blokkina.

Eins og flestir ættu að vita er það Afturelding sem er Lengjudeildarmeistari þetta árið og fer því beint upp í Bestu deildina. Liðin í 2.-5. sæti deildarinnar berjast síðan um seinna sætið í umspilinu.

HK og Fylkir mætast í tveggja leikja einvígi og sigurvegari þess mætir annað hvort Þrótti eða Njarðvík í hreinum úrslitaleik um að komast upp á Laugardalsvelli!

9. september
Njarðvík - Þróttur (17:00)
HK - Fylkir (19:15)
13. september
Þróttur - Njarðvík (16:15)
Fylkir - HK (19:15)
19. september
Úrslitaleikur (16:00)

Heil og sæl öllsömul og verið þið hjartanlega velkomin í þráðbeina textalýsingu frá Kórnum. Hér mun HK taka á móti Fylki í fyrri leik liðanna í umspilinu góða.