Sigurvegarinn úr tveggja leikja einvígi Þórs og Zalgiris mætir St. Patrick's Athletic frá Írlandi í næstu umferð, 28. október og 4. nóvember, og það lið sem hefur betur þar leikur við enska félagið Chelsea, að því gefnu að Lundúnaliðið nái að slá út Flora Tallinn frá Eistlandi eða Havnar Boltfélag frá Færeyjum; fyrri leikur í einvígi Eistanna og Færeyinganna er í dag.

Texti frá akureyri.net

Svona er byrjunarlið Þórs:
Á vef UEFA er liðinu stillt upp í leikkerfinu 3-5-1-1

1. Lucas Vieira Thomas (m)
2. Ásbjörn Líndal Arnarsson
4. Jósef Orri Axelsson
7. Hákon Kári Jónsson
8. Kjartan Ingi Friðriksson
9. Peter Ingi Helgason
10. Ólíver Sesar Bjarnason
14. Smári Signar Viðarsson
15. Natan Dagur Fjalarsson
18. Sverrir Páll Ingason
23. Kári Jónsson

Ásbjörn Líndal Arnarsson og Sverrir Páll Ingason hafa spilað talsvert með Þór í Bestu deildinni í sumar og eru í hópnum í dag.

Peter Ingi Helgason hefur komið við sögu í nokkrum leikjum og Smári Signar Viðarsson einum leik.

Einar Freyr Halldórsson er gjaldgengur í þetta lið en hann er algjör lykilmaður í Bestu deildar liði Þórs sem á stóran leik gegn KA á laugardag og er því ekki með í dag.

Að hámarki þrír leikmenn fæddir 2007 mega vera í leikmannahópnum á leikdag og aðrir í hópnum eru yngri.Ásbjörn hefur spilað talsvert með Þór í Bestu deildinni

Klukkan 16:00 á VÍS vellinum tekur Þór á móti Zalgiris í fyrstu umferð forkeppninnar í Evrópukeppni unglingaliða.

Þór varð Íslandsmeistari í 2. flokki á síðasta tímabili og Zalgiris vann deildina í Litháen.

Á leiknum er skoskt dómarateymi og Sveinn Arnarsson er fjórði dómari.

Seinni leikur liðanna fer fram í Litháen 14. október.