Blikar vinna hér 5-4 sigur á Eikarvellinum og þær gera það á ótrúlegan hátt. Fyrri hálfleikurinn hjá Þrótti var magnaður en sá seinni ekki upp á marga fiska. Blikar voru í rauninni ekki mættar til leiks fyrr en eftir rúmlega 70 mínútur en það svínvirkaði í dag.

Þrjár í uppbót.

Aftur er rangstaða dæmd á Breiðablik. Í þetta sinn var Hrafnhildur Ása fyrir innan.

Bryndís Arna með lúmska sendingu í gegn á Líf en rangstaða dæmd.

Hættulegur bolti inn á teiginn og Mollee rýkur út úr markinu. Hrafnhildur Ása er fyrri til og nær skoti en boltinn skrúfast framhjá stönginni.

Breiðablik fær aukaspyrnu á fínum fyrirgjafastað.

Þórdís Nanna og Bríet spila vel sín á milli. Þórdís keyrir að marki Blika, fer inn á völlinn og lætur vaða en skotið er ekki upp á marga fiska og Herdís grípur boltann.

Blikar fá horn.

Breiðablik fær hornspyrnu. Darraðadans inni á teignum eftir hornið og annað horn niðurstaðan. Boltinn kemur inn á teiginn og Þróttur kemur boltanum að lokum frá eftir nokkar misheppnaðar tilraunir.

Cousins þræðir Bríeti í gegn með gullfallegri sendingu. Herdís er hins vegar vel á verði og er fyrri til í boltann.

Björg kemur með ágætis fyrirgjöf frá hægri en Blikar hreinsa í horn. Boltinn kemur inn á teiginn en Hrafnhildur Ása hreinsar frá.

Þróttur fær hornspyrnu. Blikar hreinsa frá.

Agla María kemur með fyrirgjöf frá vinstri sem ratar beint á Þórdísi Elvu en skallinn er slakur og fer framhjá markinu.

Þróttur fær fyrsta horn seinni hálfleiksins. Boltinn kemur inn á teiginn en Blikar hreinsa frá.

Þróttur sparkar þessu í gang á ný.

Þróttarar eru yfir með þremur mörkum í hálfleik og það er sanngjarnt. Þróttarar hafa gjörsamlega keyrt yfir þær og skapað fullt af færum. Breiðablik hefur verið langt frá sínu besta og það þarf ansi mikið að breytast í þeirra leik.

Ein mínúta í uppbót.

Líf fær boltann eftir innkast hægra megin. Hún tekur eina snertingu og kemur með hættulega fyrirgjöf á Hrafnhildi Ásu en hún skýtur yfir.

Bríet Fjóla kemst inn á teiginn og leggur boltann út á Cousins. Hún lætur vaða en skotið er laust og Herdís Halla handsamar boltann.

Rólegt um þessar mundir. Bæði lið skiptast á að halda í boltann.

Breiðablik fær aukaspyrnu á ágætis stað. Þær halda í boltann og fá síðan horn í kjölfarið. Boltinn kemur inn á teiginn en gestirnir hreinsa frá.

Breiðablik fær horn. Boltinn kemur inn á teiginn en Mollee Swift handsamar knöttinn.

Elísa fær boltann úti hægra megin. Hún og Þórdís Elva taka snyrtilegan þríhyrning. Þórdís kemur síðan með frábæra fyrirgjöf á Hrafnhildi Ásu en hún stangar boltann rétt framhjá markinu.

Þróttur fær horn. Boltinn kemur inn á teiginn en Þórdís Elva skallar frá.

Líf gerir vel og vinnur fyrstu hornspyrnu Blika. Þær taka hana stutt og boltinn endar hjá Hrafnhildi Ásu sem kemur með fyrirgjöf og Líf nær skoti en Mollee ver þægilega.

Þróttur fær horn. Hornspyrnan kemur inn á hættusvæðið en Herdís nær að kýla frá.

Mollee Swift að leika sér að eldinum og Hrafnhildur Ása nær að trufla hana en Mollee nær að bægja hættunni frá.

Hrafnhildur Ása sparkar þessu í gang.

Breiðablik 0 - 1 Þróttur

„Ég held að þetta verði æsispennandi leikur með fullt af færum. Samt ætla ég að segja að báðir markmenn eigi masterclass þannig að það er 0-0 þangað til á 75. mínutu þar sem að Sigríður Theódóra, frænka mín i fjórða ættlið, krullar boltann upp í hægra hornið og Þróttur vinnur leikinn 1-0.“

Þróttur hefur átt ágætis tímabil í Bestu deild kvenna og tryggði sér sæti í efri hlutanum eftir að hafa endað hefðbundna deildarkeppnina í 5. sæti með 23 stig. Liðið vann sex af 18 leikjum, gerði fimm jafntefli og tapaði sjö, en Þróttarar náðu í nokkur sterk úrslit þegar leið á sumarið. Í síðasta leik unnu Þróttur sannfærandi stórsigur gegn Stjörnunni, leikar enduðu 5-1.

Þrótti hefur þó ekki tekist að blanda sér í toppbaráttuna og situr í 5. sæti efri hlutans. Tímabilið verður engu að síður eftirminnilegt fyrir félagið þar sem liðið bætti Mjólkurbikarnum í safnið í september.

Breiðablik hefur átt sterkt tímabil og verið í toppbaráttunni allt tímabilið. Blikar hafa verið mjög öflugar sóknarlega og unnið fjölda leikja sannfærandi, þó inn á milli hafi komið nokkur óvænt stigatöp. Liðið er í góðri stöðu þegar líður að lokasprettinum og stefnir á að ljúka tímabilinu með Íslandsmeistaratitli.

Vilhjálmur Alvar Þórarinsson er aðaldómari í dag. Honum til aðstoðar eru Guðmundur Ingi Bjarnason og Antoníus Bjarki Halldórsson.

Bríet Bragadóttir er fjórði dómari og Skúli Freyr Brynjólfsson er eftirlitsmaður.

Heil og sæl kæru lesendur og verið hjartanlega velkomin í beina textalýsingu frá Eikarvellinum. Í dag tekur Breiðablik á móti Þrótti í 3. umferð eftir skiptingu. Flautað verður til leiks 14:00.