Arnar Ingi flautar til leiksloka, lokatölur 3-1. Viðtöl og skýrsla væntanleg.

Blikar segja 411 manns í stúkunni, það eru góðar ýkjur. Ef ég myndi skjóta væri ekki mikið meira en 200 manns hérna.

Axel Ingi með slaka sendingu til baka sem Arnar Bjarki kemst inn í. Arnar er einn gegn markverði og tekur skotið en Ásgeir Orri ver meistaralega með fætinum.

Ljubicic með skot úr þröngri stöðu sem fer rétt framhjá marki Blika.

Eiður Orri klippir boltann skemmtilega rétt framhjá marki Breiðabliks. Keflvíkingar að sækja í sig veðrið.

Keflvíkingar fá aukaspyrnu á stórhætulegum stað. Ljubicic tekur en tilraun hans beint í vegginn.

Eiður Orri með huggulegt utanfótarskot sem fer í stöngina og þaðan í bakið á Gylfa, markverði Blika. Boltinn rúllar framhjá markinu og boltinn fer manna á milli í teig Breiðabliks. Axel Ingi fær boltann og hamrar honum svo í varnarmann og aftur fyrir endalínu.

LED Auglýsingaskilti Breiðabliks eitthvað að klikka og það kemur agressívt gult blikk með stuttu millibili. Hefur amk. truflandi áhrif á mig, spurning með leikmennina.

Segir sitthvað um leikinn þegar maður er farinn að skrifa um auglýsingaskiltin.

Dagur Ingi með laust skot beint á Gylfa Berg sem ver örugglega í marki Blika.

Lítil gæði, veðurguðirnir ekki með okkur í liði og ákefðin á undanhaldi.

Eiður Orri með skot fyrir utan teig sem fer rétt framhjá marki Blika.

Búið að bæta í vindinn og þá hefur vindáttinn sömuleiðis breyst, meiri hliðarvindur núna en í fyrri hálfleikur.

Arnar Ingi flautar til loka fyrri hálfleiks. Langt frá því að vera skemmtilegustu 45 mínútur sem ég hef séð og greinilegt að það sé lítið undir fyrir bæði lið.

Kiddi Steindórs með skot úr teignum en boltinn langt framhjá marki gestanna.

Óli Valur og Viktor Karl spila vel á milli sín. Viktor kemur með sendingu fyrir mark Keflvíkinga en boltinn í varnarmann og þaðan í krumlurnar á Ásgeiri.

Voðalega rólegt yfir þessu. Bæði lið að komast í fínustu stöður en vantar að klára sóknirnar.

Lítið búið að gerast eftir mark Breiðabliks. Keflvíkingar lítið sem ekkert reynt á Gylfa Berg í marki Blika.

Þorleifur með góða tilraun úr teignum en Ásgeir Orri sér við honum.

Jónatan Guðni gerir vel og á þrumuskot rétt yfir mark gestanna.

Blikar fá horn, Hlynur Freyr með hnitmiðaðan skalla í bláhornið en Ásgeir Orri ver meistaralega í marki Keflvíkinga!

Dagur Ingi með góðan sprett upp vinstri kantinn og sendir Hlyn á rassinn. Nálgast vítateig Blika og missir þar boltann of langt frá sér.

Keflvíkingar fá fyrstu hornspyrnu leiksins eftir góða sókn. Ljubicic með skalla að marki en Blikar bægja hættunni frá.

Veðrið er ekkert upp á marga fiska. Kalt, mikill vindur og stöku skúrir. Þakklátur fyrir að vera staddur inn í blaðamannaboxinu góða.

Jónatan Guðni á fast skot úr teignum en boltinn nokkuð beint á Ásgeir Orra sem ver örugglega í marki Keflvíkinga.

Dagur Ingi Valsson á upphafsspark leiksins. Keflvíkingar leika fyrri hálfleikinn gegn vindi, sækja í átt að Digranesinu.

Liðin ganga til vallar, andrúmsloftið ekkert rafmagnað enda lítið undir hér í kvöld.

Ólafur Ingi Skúlason gerir heilar sex breytingar á byrjunarliði sínu frá 4-1 tapi liðsins gegn ÍA í síðustu umferð fyrir landsleikjahlé.

Anton Ari Einarsson tekur sér sæti á bekknum og byrjar hinn 18 ára gamli Gylfi Berg Snæhólm í marki Breiðabliks.

Þá koma þeir Ívar Örn Árnason, Höskuldur Gunnlaugsson, Viktor Karl Einarsson, Kristinn Steindórsson og Jónatan Guðni Arnarsson sömuleiðis inn í liðið.

Úr liðinu víkja þeir Kiddi Jóns, Davíð Ingvars, Gabríel Snær, Viktor Örn og Dagur Fjeldsted.

Haraldur Freyr Guðmundsson gerir tvær breytingar frá 2-2 jafntefli Keflavíkur gegn Fram í síðustu umferð.

Inn koma þeir Axel Ingi Jóhannesson og Viktor Árni Traustason. Á bekkinn víkja þeir Elvis Bwomono og Frans Elvarsson.

Arnar Grétarsson, fyrrverandi þjálfari og leikmaður Breiðabliks, fór yfir tímabilið í Bestu í samtali við Fótbolta.net á dögunum. Þrátt fyrir að vera Bliki er Arnar gagnrýninn á frammistöðu Breiðabliks í sumar.

Hann segir Bikarmeistaratitillinn hafi bjargað miklu, enda fylgir honum Evrópusæti á næsta ári, en spilamennskan í deildinni hafi ekki verið nægilega góð.

„Mér finnst að það hafi verið allt of margar frammistöður sem voru einfaldlega ekki nógu góðar. Þeir unnu leiki snemma í sumar án þess að spila vel, en síðan fór þeim að ganga verr,“ segir hann.

Hann telur að skoða þurfi samsetningu leikmannahópsins og hvort þörf sé á breytingum. Breiðablik sé með dýran og að mörgu leyti sterkan hóp, en það dugi ekki eitt og sér.

„Það þarf eitthvað að breytast. Ef þessi spilamennska heldur áfram fara þeir ekki langt, ef við tölum alveg hreina íslensku.“

Arnar telur jafnframt að Víkingar geti litið til baka með nokkurri eftirsjá vegna undanúrslitaleiksins gegn Breiðabliki í Mjólkurbikarnum. Hann telur að færri breytingar á byrjunarliði Víkings hefðu getað gert leikinn erfiðari fyrir Blika.

Hann bendir þó á að það sé jákvætt fyrir félagið að hafa tryggt sér bikarmeistaratitilinn og Evrópusæti, sérstaklega með tilliti til fjárhags og möguleika á að laða að leikmenn.

Hér að neðan má sjá alla slúðurmola frá Keflavík sem birtist í slúðurpakka .net í síðustu viku.

Þorsteinn Aron Antonsson gæti yfirgefið HK í vetur og hefur heyrst að Keflavík horfi til hans.

Oumar Diouck, Bragi Karl Bjarkason og Freysteinn Guðnason, leikmenn Njarðvíkur, hafa verið á óskalista grannanna í Keflavík og buðu Keflvíkingar nýlega í bæði Freystein og Oumar. Valur hefur jafnframt áhuga á Freysteini og Oumar vill ekki fara til grannanna.

Ásgeir Orri Magnússon hefur átt mjög gott tímabil í marki Keflavíkur og er á blaði hjá félögum erlendis. Víkingur hefur einnig augastað á markmanninum.

Patrekur Aron Grétarsson (KFA) er fluttur suður og það er áhugi á honum frá meðal annars Keflavík.

Sindri Snær Magnússon, Nacho Heras, Ernir Bjarnason og Frans Elvarsson eru að renna út á samningi hjá Keflavík. Sindri Snær hefur verið orðaður við endurkomu til ÍR. Það þykir líklegt að Frans verði ekki áfram leikmaður liðsins eftir þetta tímabil.

Davíð Snær Jóhannsson er sömuleiðis orðaður við heimkomu en Keflvíkingurinn gæti einnig endað í græna hluta Kópavogs.

Fótbolti.net birti mjög svo stóran slúðurpakka í síðustu viku og hér að neðan má sjá alla helstu Blikamolana.

Höskuldur Gunnlaugsson og Viktor Örn Margeirsson eru orðaðir við Val. Slúðrið er á þá leið að annað hvort fari þeir eða þjálfarinn Ólafur Ingi Skúlason. Viktor Karl Einarsson er sömuleiðis orðaður við Val.

Jökull Elísabetarson, Eiður Smári Guðjohnsen og Magnús Már Einarsson eru kostir nefndir í tengslum við Breiðablik kjósi félagið að gera þjálfarabreytingu.

Kristófer Ingi Kristinsson með lausan samning og vill fara aftur út í atvinnumennsku, Breiðablik vill halda honum og Valur hefur áhuga eins og áður. Langt er á milli þess sem Breiðablik hefur boðið Kristófer og því sem hann vill fá.

Blikar hafa áhuga á Mikael Mána Þorfinnssyni, leikmanni Grindavíkur en hann er eftirsóttur af félögum í Bestu og er einnig áhugi erlendis frá, m.a. í Danmörku.

Viðar Ari Jónsson er á leið heim og er Breiðablik meðal liða sem hafa áhuga á honum. Blikar hafa einnig augastað á Daða Berg Jónssyni, sem er orðaður frá Víkingi, og Bjarti Bjarma Barkarsyni, leikmanni Aftureldingar.

Hlynur Freyr Karlsson er á láni hjá Breiðabliki frá Brommapojkarna. Búist er við því að bæði Valur og Breiðablik reyni að kaupa U21 landsliðsmanninn sem uppalinn er hjá Blikum og lék vel með Val tímabilið 2023.

Jón Kristinn Elíasson (Víkingur Ó.) hefur verið að æfa með Breiðabliki og gæti orðið hluti af markmannsteymi félagsins; yrði þá varamarkvörður fyrir Anton Ara Einarsson.

Stefán Logi Magnússon gæti tekið við sem markmannsþjálfari hjá karlaliði Breiðabliks en hann hefur verið markmannsþjálfari kvennaliðsins og verður það áfram.

Reynsluboltarnir Kristinn Steindórsson, Kristinn Jónsson og Andri Rafn Yeoman eru að verða samningslausir hjá Blikum og orðið ljóst að Kiddi Steindórs fær ekki nýjan samning hjá Blikum.

Dagur Örn Fjeldsted er sömuleiðis með lausan samning hjá Blikum en hann er með tilboð á borðinu frá félaginu.

Heilir og sælir lesendur góðir og verið velkomin í beina textalýsingu beint frá Kópavogsvelli þar sem Breiðablik tekur á móti Keflavík í 25. umferð Bestu deildarinnar.