Byrjunarlið Man City og Liverpool: Haaland ekki með

Manchester City er í baráttunni um titilinn en Liverpool vonast til að ná í Meistaradeildarsæti.

Erling Haaland var ekki með norska landsliðinu á dögunum og það voru miklar vangaveltur um það hvort hann yrði klár í dag. Það er nú staðfest að hann er ekki í hópnum.

Julian Alvarez er í fremstu víglínu hjá City í fjarveru Norðmannsins.

Virgil Van Dijk varnarmaður Liverpool og hollenska landsliðsins var gagnrýndur fyrir frammistöðu sína hjá landsliðinu á dögunum en það hefur engin áhrif á Jurgen Klopp sem velur hann að venju í byrjunarliðið í dag.

Cody Gakpo, Diogo Jota og Mohamed Salah eru í fremstu víglínu.  Darwin Nunez er á bekknum en hann er að kljást við smávægileg meiðsli.

Man City: Ederson, Stones, Akanji, Dias, Ake, Rodri, Gundogan, De Bruyne, Grealish, Mahrez, Alvarez.

Liverpool: Alisson, Alexander-Arnold, Konate, Van Dijk, Robertson, Fabinho, Henderson, Elliott, Gakpo, Jota, Salah.