Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   fös 01. maí 2020 09:30
Guðmundur Aðalsteinn Ásgeirsson
Eins og sambandsslit sem þú vildir ekki
Mynd: Getty Images
Við sögðum frá því í gær að kvennalið Fylde á Englandi hefði lagt niður laupana vegna fjárhagsvandræða í tengslum við kórónuveirufaraldurinn.

Fylde var í níunda sæti af 12 liðum C-deildarinnar þegar hún var stöðvuð í mars. Í kjölfarið var ákveðið að hætta keppni í deildinni og deildunum fyrir neðan; ekkert lið komst upp og ekkert lið féll.

Í frétt Guardian segir að Fylde sé fyrsta félgið sem leggur niður kvennalið sitt, að minnsta kosti á Englandi.

Kim Turner, sem hefur verið aðstoðarstjóri Fylde, segir í samtali við The Times að starfsfólk liðsins hafi fengið að vita um tíðindin 15 mínútum áður en þau voru opinberlega tilkynnt.

Þetta gerist allt saman mánuði eftir að stjórnarformaðurinn og eigandinn David Haythornthwaite sendi frá sér opið bréf um að félagið myndi styðja við bakið á kvennaliðinu.

„Stjórnarformaðurinn hélt að við gætum bara lagt liðið til hliðar í eitt ár og haldið svo áfram," segir Turner. „Það er ekki hægt og hann sagðist ætla að hugsa málið. Hann sagði svo að liðið myndi halda áfram að spila í C-deildinni án þess að fá eitthvað fjármagn til þess. Það var ekkert rætt við okkur til þess að fá einhverjar hugmyndir."

„Eftir þetta samtal sem var klukkan 18:30 þá sagði hann að það myndi koma út yfirlýsing klukkan 18:45. Við fengum fimmtán mínútur til að segja leikmönnunum og öðru starfsfólki frá þessu. Svo segir í yfirlýsingunni að liðið hafi verið lagt niður, sem kemur mjög á óvart, því okkur var tjáð að liðið myndi halda áfram að keppa."

„Einn af leikmönnunum hafði samband við mig í gærkvöldi og sagði: 'Mér líður eins og ég hafi verið að ganga í gegnum sambandsslit sem ég vildi ekki að hefðu átt sér stað'. Við fórum úr því að hittast þrisvar í viku í það að geta ekki einu sinni kvast almennilega."

Athugasemdir
banner
banner
banner