Jair Bolsonaro, forseti Brasilíu, vill sjá fótboltakeppnir hefjast í landinu fljótlega. Hann heldur því fram að minni líkur séu á því að fótboltamenn láti lífið vegna veirunnar þar sem þeir séu í góðu líkamlegu ásigkomulagi.
Bolsonaro gefur ekki mikið fyrir hættuna af kórónuveirunni, hann hefur líkt veirunni við "litla flensu".
Efsta deild í Brasilíu átti að byrja núna í maí, en það er ólíklegt að það gerist þar sem meira en 5900 hafa látið lífið vegna kórónuveirunnar í landinu.
Ef Bolsonaro fær hins vegar einhverju ráðið um málið þá myndi fótbolti hefjast aftur í landinu fljótlega. „Fótboltamenn, ef þeir smitast, þá eru litlar líkur á því að þeir láti lífið. Þeir eru í góðu líkamlegu standi vegna þess að þeir eru íþróttamenn."
Hjá nágrannaþjóðinni Argentínu verður enginn fótbolti á næstunni.
Athugasemdir