Heimild: Guardian
Fær Leeds að fara upp?
The Guardian segir að ef ekki verður hægt að klára ensku Championship-deildina þá vilji deildin helst senda upp Leeds og West Brom, tvö efstu lið deildarinnar eins og staðan er núna.
Sagt er ólíklegt að það verði hægt að klára Championship-deildina. Sama gildir um C og D-deildirnar á Englandi.
Fram kemur einnig í grein Guardian að umspilið í Championship-deildinni verði bara spilað. Þannig að liðin í þriðja til sjötta sæti deildarinnar, eins og staðan er núna, taki þátt í umspili um þriðja og síðasta sætið í ensku úrvalsdeildinni.
Það væru Brentford, Fulham, Nottingham Forest og Preston sem myndu taka þátt í umspilinu ef það fer fram.
Vonast er til að klára ensku úrvalsdeildina, en það myndi augljóslega auka flækjustigið ef ekki verður hægt að gera það.
Athugasemdir
