Evrópska knattspyrnusambandið er búið að samþykkja tillögu hollenska knattspyrnusambandsins, KNVB, um að ljúka tímabilinu þar í landi. Hollensk félög fá því sæti í Evrópukeppnum á næstu leiktíð.
Deildinni var aflýst í síðustu viku en ekkert félag fær deildartitilinn. Ajax og AZ voru jöfn á toppi deildarinnar, Ajax með betri markatölu en AZ betri innbyrðisviðureignir.
AZ fær því sæti í Meistaradeild Evrópu og gætum við því séð Albert Guðmundsson á sjónvarpsskjáum næsta haust. Albert spilaði lítið á tímabilinu vegna meiðsla en tekst vonandi að láta ljós sitt skína eftir langt sumarfrí.
Þetta þýðir að Feyenoord, PSV og Willem II spila í Evrópudeildinni, en sú ákvörðun hefur verið gríðarlega umdeild í Hollandi þar sem margir telja FC Utrecht eiga skilið sæti Willem.
Willem er þremur stigum fyrir ofan Utrecht en hefur leikið auka leik. Þá komst Utrecht í úrslitaleik hollenska bikarsins sem gefur vanalega sæti í Evrópudeild. Þar átti liðið að mæta Feyenoord, sem er þegar með sæti í Evrópu.
Sjá einnig:
Hollendingar brjálaðir - Utrecht fer í mál við knattspyrnusambandið
„Mesta skömm í sögu hollenska boltans"
Hollendingar hætta keppni - Enginn meistari og ekkert lið fellur
Ajax ekki meistari en Van der Sar skilur ákvörðunina
Ziyech: Gildir markatalan ekkert núna?
Athugasemdir
