Króatía og Danmörk eru tvær þjóðir sem við Íslendingar teljum okkur þekkja nokkuð vel. Dani þekkjum við því þeir eru frændur okkar og Króati vegna þess að við lendum alltaf á móti þeim á fótboltamótum.
Þessar tvær vinaþjóðir okkar mætast í 16-liða úrslitum heimsmeistaramótsins í dag í leik þar sem ekkert verður gefið eftir. Sigurlið kvöldsins mætir heimamönnum í Rússlandi í 8-liða úrslitum.
Króatía mætir til leiks með vel úthvílt byrjunarlið þar sem flestir lykilmenn voru hvíldir í síðasta leik riðlakeppninnar, 2-1 sigri gegn Íslandi.
Ivan Perisic og Luka Modric eru þeir einu sem halda sér í króatíska byrjunarliðinu á meðan Danir gera tvær breytingar á liðinu sem gerði markalaust jafntefli við Frakkland í lokaumferð riðlakeppninnar.
Jonas Knudsen kemur inn í vörnina í stað Jens Larsen og þá dettur Yussuf Poulsen inn í sóknarlínuna í stað Pione Sisto.
Poulsen verður úti á kantinum, með sóknarmanninn stóra Andreas Cornelius í miðjunni og Martin Braithwaite á hinum kantinum.
Króatía: Subasic, Vrsaljko, Vida, Lovren, Strinic, Brozovic, Rakitic, Rebic, Modric, Perisic, Mandzukic
Danmörk: Schmeichel, Dalsgaard, Zanka, Kjaer, Christensen, Braithwaite, Knudsen, Delaney, Eriksen, Poulsen, Cornelius
Athugasemdir