Eric Cantona gerði grín af hárgreiðslu brasilísku stórstjörnunnar Neymar eftir opnunarleik Brasilíu á heimsmeistaramótinu. Cantona líkti hári Neymar við spaghettí við góðar undirtektir netheima.
Nú hefur Cantona gengið skrefinu lengra og gert grín að ótrúlega dramatískum leikaraskap Neymar, sem var liggjandi í jörðinni nánast allan leikinn er Brassar lögðu Serba að velli, 2-0.
Cantona gerði myndband þar sem hann segir Neymar vera hæfileikaríkan knattspyrnumann en gagnrýnir leikaraskap hans.
„Þetta er nýja ferðataskan mín. Ég skírði hana Neymar. Það er útaf litnum, en aðallega útaf þessu; Þú þarft varla að snerta hana til að hún snúist í hring eftir hring í marga klukkutíma," segir Cantona í myndbandinu og sýnir hvernig taskan snýst.
„Neymar, þú ert frábær leikmaður og magnaður leikari, en þú verður að passa þig aðeins. Ef þú færð högg á hægri öxlina, þá geturðu ekki kvartað og kveinað og haldið utan um vinstri kinnina."
Eric Cantona is savage pic.twitter.com/ER960YzkGb
— Raj Lyall (@lyallr) June 30, 2018
Athugasemdir