Knudsen í baráttu í leiknum.
Danski bakvörðurinn Jonas Knudsen vakti mikla athygli í kvöld fyrir löng innköst sín.
Knudsen kastaði ítrekað langt þegar Danmörk tapaði gegn Króatíu í leik sem fór alla leið í vítaspyrnukeppni.
Knudsen kastaði ítrekað langt þegar Danmörk tapaði gegn Króatíu í leik sem fór alla leið í vítaspyrnukeppni.
Innköstin minntu lýsendur finnska fjölmiðilsins Yle á innköst íslenska landsliðsfyrirliðans, Arons Einars Gunnarssonar. Reynir Þór Eggertsson, helsti Eurovision sérfræðingur þjóðarinnar, greinir frá þessu á Twitter.
Ítalski blaðamaðurinn Gabriele Marcotti sagði þetta um innköstin:
„Jonas Knudsen tekur innköst eins vel og Juninho Pernambucano tók aukaspyrnur."
Innköstin voru að virka vel fyrir Dani í kvöld og spurning hvort þeir hafi eitthvað litið á myndbönd hjá íslenska landsliðinu. Löngu innköst Arons Einars virkuðu ekki sérstaklega vel fyrir Ísland á HM, en hafa gert það mjög vel í gegnum tíðina.
Mark Dana í leiknum gegn Króatíu kom eftir langt innkast. Smelltu hér til að sjá markið og allt það helsta úr leiknum á vef RÚV.
Finnlandssænsku lýsendurnir á @YLE2 kalla löngu innköstin “Aron Gunnarsson-innköst”. #hmruv #fotboltinet #yle
— Reynir Eurovision (@euroreynir) July 1, 2018
Athugasemdir
