Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   sun 01. júlí 2018 15:35
Elvar Geir Magnússon
Fjöldi fyrirtækja vill fá Rúrik í ýmis verkefni
Icelandair
Rúrik í Rússlandi, ásamt Ólafi Inga Skúlasyni.
Rúrik í Rússlandi, ásamt Ólafi Inga Skúlasyni.
Mynd: Fótbolti.net - Hafliði Breiðfjörð
Landsliðsmaðurinn Rúrik Gíslason tjáir sig um vinsældir sínar á Instagram í viðtali við Expressen. Eins og flestir vita þá eignaðist Rúrik ansi marga nýja aðdáendur, aðallega kvenkyns aðdáendur, eftir þátttöku sína á HM.

Hann er nú með 1,2 milljónir fylgjenda á samfélagsmiðlinum.

Rúrik segist aldrei hafa kynnst öðru eins og að hann hafi fengið fyrirspurnir frá mismunandi fyrirtækjum sem vilja fá hann í verkefni fyrir sig.

Talað hefur verið um Rúrik sem myndarlegasta leikmann HM en hann er nú staddur í Miami þar sem hann tekur sér nokkra daga í frí.

„Mér brá þegar ég leit á símann og ég skildi ekki alveg hvað hafði gerst. Það er samt skemmtilegt að hafa eignast svona marga fylgjendur," segir Rúrik. En hvernig fyrirspurnir frá fyrirtækjum hefur hann fengið.

„Mér hefur verið boðið í ferðalög og að kynna mismunandi hluti. En það er of snemmt að tala um það núna. Fyrir mér hefur ekkert breyst og ég er sami einstaklingur. Ég hef alltaf haft áhuga á fötum og tísku og finnst gaman að setja myndir á Instagram."
Athugasemdir
banner
banner
banner
banner