Niðurtalningin - Tveir vendipunktar síðasta sumar
Niðurtalningin - Eitthvað nýtt og miklu stærra
Aldrei heim - Horfum ekki á E-riðilinn á EM
Niðurtalningin - Hverfisstrákarnir úr Árbænum
Aldrei heim - Kjartan Henry fékk góða gjöf frá Úkraínumanni
Aldrei heim - Formaðurinn í takkaskónum
Niðurtalningin - Sama uppskrift og í fyrra
Aldrei heim - Landsliðið komið til Póllands
Útvarpsþátturinn - Jói Kalli, Bjarki Már og Elvar Geir um landsliðið
Beint frá Búdapest - Hetjan sem mátti ekki tala
Beint frá Búdapest - Áfall að morgni leikdags
Viktor Unnar: Fann strax að þetta er eitthvað sem á við mig
Aron Jó: Cole Campbell tekur sínar eigin ákvarðanir
Hugarburðarbolti Þáttur 8
Beint frá Búdapest - Skiptar skoðanir á ákvörðuninni um Albert
Hákon Rafn - Umspilið og leiðin til Brentford
Enski boltinn - Töfrar í bikarnum
Útvarpsþátturinn - Landsliðsvalið fyrir bardagann í Búdapest
Hugarburðarbolti Þáttur 7
Gylfi mættur í Val - Lyftir deildinni upp um nokkrar hæðir
banner
   sun 01. júlí 2018 11:40
Útvarpsþátturinn Fótbolti.net
Lífið í FH - Gummi Kristjáns og Jónatan heimsóttu útvarpsþáttinn
Gummi Kristjáns og Jónatan í hljóðveri X977.
Gummi Kristjáns og Jónatan í hljóðveri X977.
Mynd: Fótbolti.net - Elvar Geir Magnússon
Jónatan í leik í Kaplakrikanum.
Jónatan í leik í Kaplakrikanum.
Mynd: Fótbolti.net - J.L.
Guðmundur Kristjánsson og Jónatan Ingi Jónsson eiga það sameiginlega að hafa gengið í raðir FH fyrir yfirstandandi tímabil. Þeir voru gestir í útvarpsþættinum Fótbolti.net á X977.

Guðmundur kom heim eftir atvinnumennsku í Noregi en Jónatan, sem er 19 ára, lék með unglingaliðum AZ Alkmaar.

Í þættinum ræddu þeir um lífið í FH og erlendis, byrjun Hafnarfjarðarliðsins, markmið, fótboltann í Noregi og Hollandi og ýmislegt fleira.

Guðmundur er miðjumaður að upplagi en hefur verið að spila sem miðvörður. Honum líkar vel við sig í þeirri stöðu. Fyrr í þættinum hafði Gunnar Jarl kallað eftir því að hann yrði notaður á miðjunni en sjálfur segist Guðmundur ánægður í hjarta varnarinna.

„Mér finnst það hafa gengið ágætlega. Eins og við spilum þá sækjum við á mörgum mönnum og ég lendi mikið í einn á einn stöðum. Mér finnst gaman að eiga við það. Mér líkar þessi staða vel. Allir aðrir en ég hafa verið að kalla eftir því að ég fari á miðjuna," segir Guðmundur.

„Ég myndi hugsanlega nýtast á miðjunni en Óli hefur valið að nota mig í hafsentnum og mér finnst ég hafa spilað ágætlega þar. Ég er að finna mig betur og betur í þessari stöðu, þó það væri auðvitað gaman að taka einn og einn leik á miðjunni."

Jónatan tjáði sig um heimkomuna í FH.

„Ég vildi koma heim. Ég kom ekki heim því ég var leiður úti og það gekk rosalega illa. Ég var ekki að fara að vera áfram í AZ og ég vildi koma heim og spila alvöru meistaraflokksbolta. Ég var staðráðinn í að veita mönnum samkeppni hjá FH. Óli gaf mér tækifæri og ég hef nýtt þau ágætlega," segir Jónatan.

„Ég er ekkert endilega að drífa mig út strax aftur. Mér líður rosalega vel á Íslandi núna, með fjölskyldunni og vinum mínum. Það var rosalega erfitt þegar ég var sextán ára að fara frá sínum nánustu. Það er klárlega stefnan að fara aftur út en það er ekkert efst í hausnum hjá mér núna. Ég vil spila sem mest með FH, vinna titilinn og komast áfram í Evrópu."

Hægt er að hlusta á viðtalið við þá félaga í spilaranum hér að ofan eða í Podcast forritum en FH-ingar eiga leik gegn Stjörnunni annað kvöld. Stórleikur framundan í Krikanum!
Athugasemdir
banner
banner
banner