Óvíst er hvenær miðjumaðurinn Finnur Orri Margeirsson getur snúið aftur í lið KR eftir meiðsli.
Finnur Orri meiddist 26. maí gegn Víkingi R. og hefur verið frá keppni síðan þá.
Finnur Orri meiddist 26. maí gegn Víkingi R. og hefur verið frá keppni síðan þá.
„Hann sneri sig illa á ökkla og það skaddaðist bein í ristinni þegar hann lenti í tæklingu í leik gegn Víkingi fyrr í sumar. Hann hefur ekki náð sér almennilega af því," sagði Rúnar Kristinsson þjálfari KR við Fótbolta.net í dag.
„Hann er ennþá að berjast við að ná sér og það er skarð fyrir skildi í hópnum. Það gætu ennþá verið 2-3 vikur í hann og jafnvel meira."
Finnur Orri hafði byrjað alla sex leiki KR í Pepsi-Max deildinni áður en hann meiddist.
KR mætir Breiðabliki í toppslag í Pepsi-Max deildinni í kvöld en hér að neðan má sjá viðtal við Rúnar fyrir þann leik.
Athugasemdir