„Ég fann það bæði á æfingum og líka í dag að strákarnir voru vel gíraðir að svara fyrir sig og spila fyrir okkar stuðningsmenn eftir áfallið í síðasta leik,“ sagði Srdjan Tufegdzic, þjálfari Grinavíkur, eftir 0-0 jafntefli sinna manna gegn FH í kvöld.
Lestu um leikinn: Grindavík 0 - 0 FH
Grindvíkingar þéttu raðirnar eftir 7-1 tap gegn FH í Mjólkurbikarnum í síðustu viku.
„Ég sagði við strákana á fundi fyrir leikinn að fyrsta áskorun væri að halda markinu hreinu í dag. Eftir áfallið í síðasta leik. Við gerðum það með mikilli samstöðu á vellinum og miklu skipulagi,“ sagði hann um gang leiksins.
Aðspurður um opnun sumargluggans sagði hann: „Rene er farin og Patrik Nkoyi er farin líka og svo erum við að missa fljótlega Jón Inga sem er að fara í nám fyrsta ágúst. Þannig að við þurfum þrjá leikmenn til að vera á sama stað og við vorum.“
Athugasemdir