Arsenal leggur fram tilboð - Schick til Englands - Emi á útleið og fer Inzaghi til Sádi?
Katie Cousins: Höfum það sem til þarf
Anna Rakel: United bara, tek því
„Hefði getað sent en mig langaði svo rosalega mikið að skora"
Berglindi skemmt þegar henni var bent á áhugaverða staðreynd
Jón Óli: Stórkostlegar aðstæður
„Æsifréttamennska að mínu mati“ - Leikið í Grindavík á laugardag
Júlíus Mar: Eitthvað sem mig hefur dreymt um frá því ég kom til liðsins
Jökull eftir stórt tap: Við brotnum aðeins
Tobias Thomsen: Þetta var frekar klikkaður sirkus á köflum
Dóri Árna: Við þurfum ekki að mála einhvern skratta á vegg
Magnús Már: Tileinka þennan sigur Guðjóni Ármanni
Rúnar Kristins: Við vitum hvað við getum og við getum bætt okkur
Óskar vísar í Hernán Cortés: Spurði konuna hvort hún sæi einhver skip
Miklar væntingar gerðar til Víkings - „Við erum með rosalega stóran hóp“
Gylfi eftir fyrsta markið: Hentar mér kannski aðeins betur
Hrannar Snær: Erum með meira sjálfstraust í sóknarleiknum
Eiður Aron eftir sigur á ÍBV: Þetta er bara 'bisness'
Böddi glímt við veikindi: Vissi þá að ég þyrfti að klára þennan leik
Heimir Guðjóns léttur: Það gerist nú ekki á hverjum degi
Túfa: Hefðum getað gert tíu skiptingar í hálfleik
   fim 01. ágúst 2024 18:37
Sæbjörn Þór Þórbergsson Steinke
Með gæsahúð alla Skarðshlíðarbrekkuna - „Kominn heim í Hamar heim"
Mættur heim.
Mættur heim.
Mynd: Þór
Úr leik árið 2006.
Úr leik árið 2006.
Mynd: Pedrómyndir - Þórir Tryggvason
Aron kynntur inn.
Aron kynntur inn.
Mynd: Skapti Hallgrímsson/Akureyri.net
„Ég fékk gæsahúð þegar ég var að keyra hérna upp eftir áðan. Við búum hérna niður frá í Lönguhlíðinni. Það er ekki langt að fara en ég var með gæsahúð alla Skarðshlíðarbrekkuna. Ég er mjög stoltur og ánægður að vera kominn heim," sagi Aron Einar Gunnarsson á fréttamannafundi í Hamri í dag.

Átján árum seinna er Aron Einar aftur mættur í uppeldisfélagið sitt, Þór. Hann var seldur til AZ Alkmaar í Hollandi árið 2006 og hefur spilað sem atvinnumaður allar götur síðan. Hann var kynntur í dag og var húsfyllir.

„Það var gæsahúðartilfinning að sjá alla þessa Þórsara sem komu á svæðið til að upplifa þetta móment saman. Þetta hefur alltaf verið planið, að koma heim, hvenær sem það myndi gerast. Það var núna, mér fannst þetta rétta augnablikið," sagði Aron Einar við Fótbolta.net í dag.

Það var mikil stemning í félagsheimili Þórsara þegar Aron var kynntur, Dóri Ká kynnti Aron inn í salinn með stæl.

„Þetta var geðveikt. Ég er virkilega ánægður að vera kominn í mitt félag. Þetta er minn klúbbur og ég get ekki beðið eftir því að byrja. Ég spurði Sigga (þjálfara) áðan hvort það væri æfing á morgun. Mér líður þannig. Ég er spenntur að taka þátt í þessu. Ég er spenntur að koma mér í gang, spila fyrir mitt félag og vonandi standa mig það vel að ég geti farið út á lán og verið úti í vetur, komið svo heim og klárað ferilinn með Þór á næsta tímabili."

Hásinin hefur verið að plaga Aron upp á síðkastið en honum líður eins og það sé allt að koma til. „Vonandi get ég tekið þátt í eins mörgum leikjum og ég get fyrir Þór og svo sjáum við hvað gerist í framhaldinu."

Draumar Arons eru á þá leið að hann geti hjálpað liðinu að snúa genginu við og hjálpi því að komast í umspilssæti. Hann haldi þá erlendis í lok félagaskiptagluggans í Evrópu, 9. september, og taki veturinn þar til að geta einnig haldið landsliðsferlinum gangandi.

„Þannig er planið, það yrði draumastaða. Vonandi verður liðið í séns á að komast upp í deild þeirra bestu. Þórsararnir vita það, og eiga hrós skilið fyrir að taka það samtal heiðarlega, að þeir eru líka að hjálpa mér. Ég nefndi það strax frá byrjun (að mig langar að taka eitt tímabil úti)."

Þór á sex leiki fram að því að félagaskiptaglugginn í Evrópu lokar. Alls eru sjö leikir eftir af tímabilinu og við tekur umspil ef allt gengur að óskum á endasprettinum hjá Þórsurum.

Aron skrifar undir tveggja ára samning við Þór. Hann segir að það hafi aldrei neitt annað félag komið til greina á Íslandi.

„Það hefur aldrei verið neitt annað í huganum mínum, hef aldrei gefið séns á því heldur. Það hefur alltaf bara verið að koma heim í Hamar heim."

„Ég ólst upp hérna og svona vil ég hafa þetta. Aðstaðan er kannski ekkert frábær, en hún er góð. Ekkert hægt að kvarta yfir henni. Við erum með innanhússaðstöðu, góðan völl, félagsheimili og líkamsrækt. Hvað vilja menn meira? Þú ert að fara fram á svolítið mikið ef þú ert að fara fram á eitthvað annað. Ég er mjög ánægður að þetta hefur lítið breyst. Maður fær alltaf tilfinninguna að maður sé kominn heim þegar maður kemur hérna. Mér leið núna eins og ég væri að koma heim,
sagði Aron Einar.

Aron er opinn fyrir því að spila bæði miðvörð og djúpan miðjumann. Viðtalið við hann má sjá í heild sinni í spilaranum efst.
Athugasemdir
banner
banner