Sif í leiknum í dag.
Glódís spyrnir boltanum fram.
Ísland tapaði 2-0 gegn ógnarsterku liði Þýskalands í dag.
Hér að neðan má sjá einkunnagjöf Fótbolta.net beint frá Laugardalsvelli.
Hér að neðan má sjá einkunnagjöf Fótbolta.net beint frá Laugardalsvelli.
Guðbjörg Gunnarsdóttir (m) 6
Greip vel inn í þegar á reyndi. Hefði líklega getað slegið boltann betur í marki eitt en blautur völlurinn gerði henni erfiðara fyrir og Þýskaland skorar úr frákasti. Gat lítið gert í marki tvö þegar þær spila sig í gegn og skot úr teignum
Ingibjörg Sigurðardóttir 6
Átti fínan leik. Var aðeins út úr stöðu í fyrri hálfleik en vann sig betur inn í planið.
Sif Atladóttir 7 -Maður leiksins
Hafði nóg að gera í dag. Hélt þessu saman og barði sitt lið áfram. Var fljót til baka til að vinna undir samherjana þegar á þurfti að halda.
Glódís Perla Viggósdóttir 7
Átti fínan en krefjandi dag í vörninni. Hefur oft spilað boltanum betur frá sér úr vörninni en átti frábærar tæklingar og var mjög sterk í loftinu.
Hallbera Guðný Gísladóttir 5
Átti ekki eftirsóknarverð hlutverk að stoppa Maier á hægri kantinum. Þurfum meira á Hallberu að halda í sókninni.
Gunnhildur Yrsa Jónsdóttir 6
Barðist eins og ljón í alla bolta og stoppaði ófáar sóknir í fyrri hálfleik. Dróg af henni í seinni hálfleik eins og af öllu liðinu.
Selma Sól Magnúsdóttir 5
Erfitt verkefni í dag, liðsfélagar hennar hefðu mátt reyna að finna hana meira. Lítið í boltanum og týndist á köflum -
Rakel Hönnudóttir 5
Missti mann inn fyrir sig í seinna markinu þar sem vörnin var opnuð upp á gátt. Þess utan barðist hún vel
Berglind Björg Þorvaldsdóttir 5
Byrjaði af miklum krafti og var dugleg varnarlega en týndist svo.Þarf að vera meira inn í leiknum og halda boltanum betur svo að liðið geti fært sig framar.
Sara Björk Gunnarsdóttir 6
Gekk illa að finna samherja í fyrri hálfleik en vann sig betur inn í leikinn og sterk varnarlega. Við hefðum mátt leita meira af henni í seinni hálfleik
Fanndís Friðriksdóttir 6
Fanndís var ein af fáum sem skapaði usla í dag. Átti hættulegt skot og hélt boltanum vel þegar hún fékk hann.
Varamenn
Svava Rós Guðmundsdóttir (64)
Kom inn á þegar það var komin þreyta í liðið. Náði ekki að sýna sitt rétta andlit.
Agla María Albertsdóttir spilaði ekki nóg til að fá einkunn
Guðrún Arnardóttir spilaði ekki nóg til að fá einkunn
Athugasemdir
