Þýskaland sýndi gæði sín þegar það mætti á Laugardalsvöll í undankeppni EM kvenna í dag.

Það var uppselt á Laugardalsvöll og stemningin var mikil, en með sigri hefði Ísland tryggt sér sæti á HM í fyrsta sinn.

Ísland byrjaði nokkuð vel en þegar leið á fyrri hálfleikinn féll liðið aftar á völlinn og það nýttu Þjóðverjar sér. Á 41. mínútu kom fyrsta mark leiksins þegar Svenja Huth skoraði eftir að hún fylgdi á eftir skoti sem Guðbjörg hafði varið í markinu.

Ísland byrjaði seinni hálfleikinn ágætlega og átti Fanndís Friðriksdóttir til að mynda skot sem fór rétt fram hjá markinu, en á 73. mínútu skoraði Svenja Huth sitt annað mark og kom Þjóðverjum í 2-0. Það gekk frá leiknum.

Þýskaland var einfaldlega sterkari í þessum leik, í rigningunni í Laugardalnum. Stemningin á Laugardalsvelli var algjörlega frábær.

Þessi stemning á Laugardalsvellinum 🙏🏼😭❤️Þetta er svo gott í hjartað! Áfram stelpur 👊🏼🇮🇸

— Kristjana Arnarsdóttir (@kristjanaarnars) September 1, 2018

Hvað þýða þessi úrslit?
Þessi úrslit þýða það að Ísland getur ekki farið beint á HM. Þýskaland er að fara að mæta Færeyjum í lokaleik sínum og þar kemur ekkert annað til greina en sigur Þýskalands.

Ísland mætir Tékklandi á Laugardalsvelli á þriðjudag og með sigri þar getur liðið tryggt sig inn í umspil um sæti á HM. Möguleikinn er enn til staðar!

🇮🇸 It ends with a 0-2 loss against Germany.

➡️ Next up is the Czech Republic on Tuesday!#dottir #fyririsland pic.twitter.com/gj5G42j6F8

— Knattspyrnusambandið (@footballiceland) September 1, 2018