Thibaut Courtois var í byrjunarliði Real Madrid sem er að spila við Club Brugge í riðlakeppni Meistaradeildarinnar í þessu.
Courtois, sem hefur verið frekar slakur frá komu sinni til Spánar í fyrra, fékk tvö mörk á sig frá Emmanuel Dennis og leiddu gestirnir óvænt 0-2 í hálfleik.
Courtois var tekinn af velli í hálfleik og í fyrstu var breytingin talin vera taktísk. Nú segja spænskir miðlar þó að Belginn hafi verið tekinn útaf vegna veikinda, hann sé með magakveisu.
Alphonse Areola kom inn í staðinn og er búinn að halda markinu hreinu allan síðari hálfleikinn. Nú eru nokkrar mínútur eftir af venjulegum leiktíma og staðan jöfn á Bernabeu, 2-2.
Athugasemdir