Granit Xhaka, fyrirliði Arsenal, fékk mikla gagnrýni í gær eftir að hafa beygt sig og farið frá skoti Scott McTominay sem endaði svo í markinu.
Manchester United komst yfir í leiknum með markinu en Arsenal jafnaði í 1-1 sem urðu lokatölur leiksins.
Manchester United komst yfir í leiknum með markinu en Arsenal jafnaði í 1-1 sem urðu lokatölur leiksins.
Xhaka er gríðarlega umdeildur meðal stuðningsmanna Arsenal en hann er vinsæll í leikmannahópnum og var valinn fyrirliði eftir kosningu í klefanum.
Í útsendingu Sky Sports frá leiknum í gær gagnrýndi Jamie Carragher svissneska miðjumanninn fyrir að hafa sett hendur fyrir aftan bakið og sett höfuðið niður þegar skotið kom frá McTominay. Boltinn flaug yfir Xhaka og í markið.
Unai Emery, stjóri Arsenal, kom fyrirliðanum til varnar.
„Hann hljóp til baka og var fyrstur til að skila sér. Ég sá ekki þegar hann beygði sig en ég horfði hann í hlaupinu til baka. Hann gerði fullkomlega þar. Hann sýndi mikla vinnusemi í leiknum og var með góðan stöðugleika, varnar- og sóknarlega. Mér fannst hann vinna vel," segir Emery.
Athugasemdir