Nígeríski sóknarmaðurinn Emmanuel Dennis skoraði bæði mörk gestanna sem þýðir að hann mun fá sér nýtt húðflúr á næstunni.

„Það væri draumur að skora gegn Real Madrid á Bernabeu," sagði Dennis í viðtali í gær.

„Ef ég skora á morgun lofa ég að fá mér húðflúr. Sviðið gerist ekki stærra en þetta."

Dennis er 21 árs gamall og skoraði 14 mörk í 56 deildarleikjum síðustu tvö tímabil. Í haust er hann kominn með 2 mörk í 6 leikjum.

Eftir að Dennis skoraði seinna markið fagnaði hann eins og Cristiano Ronaldo.