Diego Simeone, þjálfari Atletico Madrid, var ekki sáttur með viðbrögð annars aðstoðardómarans í nágrannaslagnum gegn Real Madrid um helgina.
Sergio Ramos, fyrirliði Real Madrid, var ósáttur með aðstoðardómarann og hreytti ódæðisyrðum að honum. Simeone heyrði þetta og brjálaðist en aðstoðardómarinn neitaði að gera mál úr þessu.
„Hann kallaði móður þína hóru. Hvernig geturðu leyft honum að komast upp með slíka móðgun? Hvernig? Þetta er skelfilegt! Eggin (eistun) þín eru svona lítil!" sagði Simeone við aðstoðardómarann strax eftir atvikið og myndaði tvær litlar kúlur með fingrunum.
Simeone nefndi þetta nokkrum sinnum við fjórða dómarann á hliðarlínunni, sem vildi þó ekkert aðhafast í málinu.
„Það sem gerist á vellinum verður eftir á vellinum, en aðstoðardómarinn veit alveg jafn vel og ég hvað var sagt við sig," sagði Simeone að leikslokum.
Athugasemdir