Það eru sjö umferðir að baki í ensku úrvalsdeildinni og Football365 hefur valið tíu bestu leikmenn deildarinnar hingað til. Ertu sammála þessu vali?
10) Teemu Pukki (Norwich City) - Margir efuðust um Pukki gæti skorað í ensku úrvalsdeildinni en hann hefur svo sannarlega afsannað það.
9) James Maddison (Leicester City) - Stærstu félögin horfa til þessa skemmtilega leikmanns en hann hefur rosalegan sköpunarmátt.
8) John Lundstram (Sheffield United) - Hefur verið geggjaður fyrir Chris Wilder og lærisveina hans.
7) Joel Matip (Liverpool) - Margir hafa efast um Matip en Klopp hefur tröllatrú á varnarmanninum sem hefur endurgoldið traustið.
6) Daniel James (Manchester United) - Ljósasti punkturinn hjá United. Án komu hans væri pressan á Ole Gunnar Solskjær enn meiri.
5) Tammy Abraham (Chelsea) - Lampard lofaði því að Abraham myndi fá tækifærið og sóknarmaðurinn ungi greip það með báðum höndum.
4) Pierre-Emerick Aubameyang (Arsenal) - Er með mark að meðaltali í leik. Skorar og skorar.
3) Roberto Firmino (Liverpool) - Framlag hans er að mörgu leyti vanmetið en hann er algjör lykilhlekkur í spilamennsku Liverpool.
2) Caglar Söyüncü (Leicester City) - Þessi 23 ára Tyrki hefur stigið upp og verið hrikalega öflugur í vörn Leicester.
1) Kevin De Bruyne (Manchester City) - Belginn geggjaði hefur skapað 29 færi fyrir liðsfélaga sína. Þegar hann er heill þá eru fáir betri.
Athugasemdir
